ന്യൂഡൽഹി: മദ്യനയ അഴിമതി കേസിൽ ഡൽഹി മുഖ്യമന്ത്രി അരവിന്ദ് കെജ്രിവാളിന്റെ അറസ്റ്റ് രേഖപ്പെടുത്തി സിബിഐ. ഇക്കാര്യം സിബിഐ റോസ് അവന്യു കോടതിയെ അറിയിച്ചു. വിചാരണ കോടതി അനുവദിച്ച ജാമ്യം ഡല്ഡഹി ഹൈക്കോടതി സ്റ്റേ ചെയ്തതുമായി ബന്ധപ്പെട്ട കെജ്രിവാളിന്റെ ഹർജി സുപ്രീകോടതി പരിഗണിക്കാനിരിക്കെയാണ് സിബിഐയുടെ അറസ്റ്റ്.
ഇഡിയുടെ ഹർജിയുടെ അടിസ്ഥാനത്തിലാണ് ഹൈക്കോടതി വിചാരണ കോടതി അനുവദിച്ച ജാമ്യം സ്റ്റേ ചെയ്തത്. കേസിൽ ഇഡിയുടെ വാദം കൂടുതലായി കേൾക്കണമെന്നും ഹൈക്കോടതി വ്യക്തമാക്കിയിരുന്നു. ഇതിനെതിരേയാണ് കെജ്‌രിവാൾ സുപ്രിംകോടതിയെ സമീപിച്ചത്. എന്നാൽ ഹൈക്കോടതിയുടെ നിലപാടറിയട്ടെയെന്നായിരുന്നു സുപ്രീംകോടതിയുടെ വാദം. തുടർന്ന് ഇന്ന് കേസി വീണ്ടും പരിഗണിക്കും.