ന്യൂഡൽഹി: അടുത്ത വർഷത്തെ റിപ്പബ്ലിക് ദിന പരേഡിൽ മുഖ്യാതിഥിയായി ഫ്രഞ്ച് പ്രസിഡന്‍റ് ഇമ്മാനുവൽ മാക്രോണിനെ ക്ഷണിച്ച് കേന്ദ്ര സർക്കാർ. അമെരിക്കൻ പ്രസിഡന്‍റ് ജോ ബൈഡനെയായിരുന്നു സർക്കാർ ആദ്യം ക്ഷണിച്ചിരുന്നത്. എന്നാൽ ജനുവരിയിൽ ഇന്ത്യയിലേക്കെത്തുന്നതിൽ ബൈഡൻ അസൗകര്യം അറിയിക്കുകയായിരുന്നു.
പിന്നാലെയാണ് അതിഥിയെ മാറ്റിയത്. ക്ഷണം സ്വീകരിച്ചാൽ ഇന്ത്യയിലെ റിപ്പബ്ലിക് ദിനത്തിൽ മുഖ്യാതിഥിയാവുന്ന ആറാമത്തെ ഫ്രഞ്ച് പ്രസിഡന്‍റായിരിക്കും ഇമ്മാനുവൽ മാക്രോൺ..