ന്യൂഡൽഹി: ഹരിയാനയിലെ കോൺഗ്രസ് എംഎൽഎയുടെയും മുൻ എംഎൽഎയുടെും വീട്ടിൽ നടന്ന ഇഡി റെയിഡിൽ 5 കോടി രൂപ, 100 കുപ്പി മദ്യം, 300 വെടിയുണ്ടകൾ, 5 കിലോ സ്വർണക്കട്ടി എന്നിവ പിടിച്ചെടുത്തു. കോൺഗ്രസ് എംഎൽഎ സുരേന്ദർ പൻവാർ, ഇന്ത്യൻ നാഷനൽ ലോക് ദൾ മുൻ എംഎൽഎ ദിൽബാഗ് സിങ് എന്നിവരുടെ വീടുകളിലും ഓഫിസുകളിലുമാണ് റെയ്ഡ് നടത്തിയത്.

നിയമവിരുദ്ധമായി ഖനനം നടത്തിയെന്ന കേസിലാണ് ഇരുവരുടെയും വീട്ടിൽ റെയ്ഡ് നടത്തിയത്. ഇതിനു പുറമേ യമുന നഗർ, സോനിപത്ത്, മൊഹാലി, ഫരീദാബാദ് എന്നിങ്ങനെ 20 സ്ഥലങ്ങളിൽ റെയ്ഡ് നടന്നു. ഇരുവരും ചേർന്ന് നികുതി വെട്ടിപ്പ് നടത്തിയെന്നാണ് പരാതി. 2013 ൽ ഇവർക്കെതിരെ കള്ളപ്പണ ഇടപാടിനും കേസെടുത്തിരുന്നു.