ശ്രീനഗർ: ജമ്മു കശ്മീരിലെ അനന്ത്നഗറിൽ സുരക്ഷാ സേന 2 ഭീകരരെ വധിച്ചു. ലാർനു വനമേഖലയിൽ മറ്റൊരു ഭീകരനായുള്ള തെരച്ചിൽ തുടരുകയാണ്. വെള്ളിയാഴ്ചയും ശനിയാഴ്ചയുമായി കശ്മീരിൽ നാലിടത്താണ് വെടിവെപ്പുണ്ടായത്.

ശ്രീനഗറിൽ രണ്ടര വർഷത്തിനു ശേഷമാണ് ഏറ്റുമുട്ടലുണ്ടാവുന്നത്. രക്ഷാ സേനയുടെ ഭീകരവിരുദ്ധ ഓപ്പറേഷൻ നടക്കുന്നതിനിടെയാണ് വെടിവെപ്പുണ്ടായത്. ശ്രീന​ഗറിലെ ഖന്യാർ ഭാ​ഗത്ത് വെടിവെപ്പുണ്ടായി മണിക്കൂറുകൾക്കകമാണ് പുതിയ സംഭവ‌ം. കൊല്ലപ്പെട്ടവരിൽ ഒരാൾ വിദേശിയും മറ്റേയാൾ പ്രാദേശികനുമാണെന്ന് വാർത്താ ഏജൻസിയായ പി.ടി.ഐ റിപ്പോർട്ട് ചെയ്തു. ഇവർ ഏത് സംഘടനയുമായി ബന്ധമുള്ളവരാണെന്ന് സ്ഥിരീകരിച്ചിട്ടില്ല.