ദില്ലി: മണിപ്പൂർ വിഷയത്തിൽ പ്രതികരണവുമായി പ്രധാനമന്ത്രി നരേന്ദ്ര മോദി. സർക്കാർ ഇടപെട്ടതോടെ സ്ഥിതി​ഗതികൾ മെച്ചപ്പെട്ടുവെന്നും ഇനിയും സാധ്യമായതെല്ലാം ചെയ്യുമെന്നും നരേന്ദ്ര മോദി പ്രതികരിച്ചു. അസമിലെ ദിനപത്രത്തിന് നൽകിയ അഭിമുഖത്തിലാണ് നരേന്ദ്ര മോദിയുടെ പ്രതികരണം.

സംസ്ഥാന സർക്കാറിന്റെ ആവശ്യം പരി​ഗണിച്ച് കേന്ദ്ര സർക്കാർ വേണ്ടതെല്ലാം ചെയ്തുവരുന്നു. അമിത് ഷാ മണിപ്പൂരിൽ തങ്ങി സ്ഥിതി​ഗതികൾ വിലയിരുത്തിയിരുന്നു. മണിപ്പൂരിലെ കലാപ ബാധിതർക്കുള്ള സഹായവും പുനരധിവാസ പ്രവർത്തനങ്ങളും നടന്നുവരുന്നു. ഇതിനായി സര്‍ക്കാര്‍ സമയബന്ധിതമായി ഇടപെട്ടുവെന്നും മോദി പറഞ്ഞു. അതേസമയം വടക്കുകിഴക്കന് സംസ്ഥാനങ്ങളിൽ നടപ്പാക്കിയ വികസന പ്രവർത്തനങ്ങളെ കുറിച്ചും നരേന്ദ്ര മോദി വിവരിച്ചു.