ബംഗളൂരു: ജനതാദൾ (സെക്യുലർ) എംഎൽസിയും എച്ച് ഡി രേവണ്ണയുടെ മകനുമായ സൂരജ് രേവണ്ണയ്ക്ക് ലൈംഗികാതിക്രമക്കേസിൽ ജാമ്യം അനുവദിച്ച് പ്രത്യേക കോടതി. പാർട്ടി പ്രവർത്തകനെ ലൈംഗികമായി ഉപദ്രവിച്ചു എന്ന പരാതിയിലാണ് സൂരജ് രേവണ്ണ അറസ്റ്റിലായത്. അഡീഷണൽ ചീഫ് മെട്രൊപൊളിറ്റൻ മജിസ്ട്രേറ്റാണ് തിങ്കളാഴ്ച സൂരജിന് ജാമ്യം അനുവദിച്ചത്.
തനിക്കും തന്‍റെ കുടുംബത്തിനുമെതിരേയുമുള്ള ഗൂഢാലോചനയുടെ ഭാഗമാണ് കേസെന്ന് സൂരജ് ആരോപിച്ചിരുന്നു. സൂരജിന്‍റെ സഹോദരൻ പ്രജ്വൽ രേവണ്ണയും ലൈംഗികാതിക്രമക്കേസിൽ അന്വേഷണം നേരിടുകയാണ്.