ഷാർജ: ഷാർജ ഇന്ത്യൻ സ്കൂൾ ജുവൈസയിലെ വിദ്യാർഥികൾ തയ്യാറാക്കിയ പുസ്തകം സിസ് ക്രോണിക്കിൾ ഷാർജ അന്താരാഷ്ട്ര പുസ്തകമേളയിൽ പ്രകാശനം ചെയ്തു. അൻപതിൽ പരം കുട്ടികളുടെ രചനകൾ അടങ്ങിയ പുസ്തകം സ്കൂൾ വൈസ് പ്രിൻസിപ്പൽ രാജീവ്‌ മാധവൻ ഷാർജ ഇന്ത്യൻ അസോസിയേഷൻ വൈസ് പ്രസിഡന്‍റ് പ്രദീപ് നെന്മാറയ്ക്ക് നൽകിയാണ് പ്രകാശനം ചെയ്തത്.
മാസ്റ്റർ ആന്‍റണി പുസ്തകം പരിചയപ്പെടുത്തി. സ്കൂൾ വിദ്യാർഥിയായ ഹാർലിസ് ബിജുവാണ് പുസ്തകത്തിനു കവർ ചിത്രം ഒരുക്കിയത്. സ്കൂൾ ഹെഡ് ബോയ് ബഷാർ നായിക് അവതാരകനായ ചടങ്ങിൽ ഇന്ത്യൻ അസോസിയേഷൻ മാനേജിങ്ങ് കമ്മിറ്റി അംഗം യൂസഫ് സഗീർ, ഗേൾസ് വിഭാഗം പ്രിൻസിപ്പൽ പ്രമോദ് മഹാജൻ, വൈസ് പ്രിൻസിപ്പൽ ഷിഫ്ന എന്നിവർ ആശംസകൾ നേർന്നു. കൈരളി ബുക്സാണ് പുസ്തകത്തിന്‍റെ പ്രസാധകർ.