ഖോർഫക്കാൻ: എമിറേറ്റ്സ് ഹെൽത്ത് സർവീസിന്‍റെ (ഇ.എച്ച്.എസ്) ഭാഗമായ ഖോർഫക്കാൻ ഹോസ്പിറ്റൽ ലോകാരോഗ്യ സംഘടനയിൽ നിന്നും യുനിസെഫിൽ നിന്നും തുടർച്ചയായ മൂന്നാം തവണയും 'ശിശു സൗഹൃദ ആതുരാലയം' എന്ന ബഹുമതി കരസ്ഥമാക്കി. ലോകാരോഗ്യ സംഘടനയും യൂണിസെഫും ചേർന്ന് നടത്തിയ സമഗ്ര വിലയിരുത്തലിന് ശേഷം നൽകിയ ഈ അംഗീകാരം സ്ത്രീകൾക്കും കുട്ടികൾക്കും മികച്ച ആരോഗ്യ സേവനങ്ങൾ നൽകാനുള്ള ഖോർഫക്കാൻ ആശുപത്രിയുടെ സമർപ്പണത്തിന് ലഭിക്കുന്ന അംഗീകാരമാണെന്ന് അധികൃതർ പറഞ്ഞു.
മുലയൂട്ടൽ നയം, വിജയകരമായ മുലയൂട്ടലിനുള്ള പത്ത് ഘട്ടങ്ങൾ നടപ്പിലാക്കൽ, അന്താരാഷ്ട്ര-പ്രാദേശിക മാനദണ്ഡങ്ങൾ പാലിക്കൽ എന്നിവ മുഖേനയാണ് ആശുപത്രിക്ക് ഈ നേട്ടം സ്വന്തമാക്കാനായത് എന്ന് ഖോർഫക്കാൻ ഹോസ്പിറ്റൽ ഡയറക്ടർ ഡോ. അബ്ദുള്ള അൽ ബലൂഷി പറഞ്ഞു.