#ജോ​സ​ഫ് എം. ​പു​തു​ശ്ശേ​രി

മാധ്യ​മ പ്ര​വ​ർ​ത്ത​ക​രെ ഭീ​ഷ​ണി​പ്പെ​ടു​ത്തി​യാ​ലും ക​ള്ള​ക്കേ​സെ​ടു​ത്ത് ജ​യി​ലി​ല​ട​ച്ചാ​ലും സ​ത്യം മൂ​ടി വ​യ്ക്കാ​നാ​വി​ല്ല'- സി​പി​എം അ​ഖി​ലേ​ന്ത്യാ സെ​ക്ര​ട്ട​റി സീ​താ​റാം യെ​ച്ചൂ​രി​യു​ടെ ഇ​ക്ക​ഴി​ഞ്ഞ ചൊ​വ്വാ​ഴ്ച​ത്തെ ട്വീ​റ്റാ​ണി​ത്.

വാ​ർ​ത്ത റി​പ്പോ​ർ​ട്ട് ചെ​യ്ത​തി​ന്‍റെ പേ​രി​ൽ ഏ​ഷ്യാ​നെ​റ്റി​ന്‍റെ കൊ​ച്ചി ചീ​ഫ് റി​പ്പോ​ർ​ട്ട​ർ അ​ഖി​ല ന​ന്ദ​കു​മാ​റി​നെ​തി​രാ​യു​ള്ള ഗൂ​ഢാ​ലോ​ച​നാ കേ​സി​നോ​ടു​ള്ള പ്ര​തി​ക​ര​ണ​മാ​ണി​തെ​ന്നു ധ​രി​ച്ചെ​ങ്കി​ൽ തെ​റ്റി. ഇ​ത് ട്വി​റ്റ​ർ മു​ൻ സി​ഇ​ഒ​യു​ടെ വെ​ളി​പ്പെ​ടു​ത്ത​ലോ​ടു​ള്ള പ്ര​തി​ക​ര​ണ​മാ​ണ്. നേ​ര​ത്തേ ബി​ബി​സി​ക്കെ​തി​രാ​യ ന​ട​പ​ടി​യി​ലും ശ​ക്ത​മാ​യ പ്ര​തി​ക​ര​ണ​മു​ണ്ടാ​യി​രു​ന്നു.

"സ​ർ​ക്കാ​ർ വി​രു​ദ്ധ, എ​സ്എ​ഫ്ഐ വി​രു​ദ്ധ പ്ര​ച​ര​ണ​വു​മാ​യി മാ​ധ്യ​മ​ങ്ങ​ളു​ടെ പേ​രും പ​റ​ഞ്ഞു ന​ട​ന്നാ​ൽ ഇ​നി​യും കേ​സി​ൽ ഉ​ൾ​പ്പെ​ടു​ത്തും'- യെ​ച്ചൂ​രി​യു​ടെ പ്ര​തി​ക​ര​ണ​ത്തി​ന് ര​ണ്ടു​ദി​വ​സം മു​മ്പ് സി​പി​എം സം​സ്ഥാ​ന സെ​ക്ര​ട്ട​റി എം.​വി. ഗോ​വി​ന്ദ​ൻ ന​ട​ത്തി​യ പ്ര​തി​ക​ര​ണ​മാ​ണി​ത്. സം​ശ​യി​ക്കേ​ണ്ട, ഇ​ത് അ​ഖി​ല ന​ന്ദ​കു​മാ​റി​നെ​തി​രെ കേ​സെ​ടു​ത്ത​തി​നെ​ക്കു​റി​ച്ചു​ള്ള പ്ര​തി​ക​ര​ണ​മാ​ണ്.

ന​മ്മ​ൾ ഇ​തി​ൽ ആ​രെ വി​ശ്വ​സി​ക്ക​ണം? ഏ​ത് ഉ​ൾ​ക്കൊ​ള്ള​ണം? അ​നു​ഭ​വം ന​മ്മോ​ട് പ​റ​യു​ന്ന​ത് എം.​വി. ഗോ​വി​ന്ദ​നെ വി​ശ്വ​സി​ക്കാ​നാ​ണ്. കേ​സെ​ടു​ത്ത​തി​ൽ ഒ​രു തെ​റ്റു​മി​ല്ലെ​ന്ന് കൂ​സ​ലേ​തു​മി​ല്ലാ​തെ പ​റ​യു​ക​യും ഇ​നി​യും അ​ങ്ങ​നെ ത​ന്നെ ചെ​യ്യു​മെ​ന്ന് വ്യ​ക്ത​മാ​ക്കു​ക​യും ചെ​യ്തി​രി​ക്കു​ന്നു. ഇ​ത് ഇ​ട​തു സ​ർ​ക്കാ​ർ സ്വീ​ക​രി​ച്ച സ​മാ​ന​മാ​യ കു​റേ​യേ​റെ ന​ട​പ​ടി​ക​ളു​ടെ തു​ട​ർ​ച്ച കൂ​ടി​യാ​കു​മ്പോ​ൾ അ​തി​ന് വി​ശ്വാ​സ്യ​ത​യേ​റു​ന്നു.

യെ​ച്ചൂ​രി​യു​ടെ​തു വെ​റും വാ​യ്ത്താ​രി മാ​ത്രം. ബി​ബി​സി​ക്കും ട്വി​റ്റ​റി​നു​മൊ​ക്കെ എ​തി​രെ ന​ട​പ​ടി വ​രു​മ്പോ​ൾ മാ​ത്രം പ​റ​യാ​നു​ള്ള വാ​യ്ത്താ​രി! അ​ല്ലെ​ങ്കി​ൽ ജ​നാ​ധി​പ​ത്യ​വും മാ​ധ്യ​മ സ്വാ​ത​ന്ത്ര്യ​വു​മൊ​ക്കെ സെ​മി​നാ​റു​ക​ളി​ലെ പ്ര​ബ​ന്ധ വി​ഷ​യം മാ​ത്രം.

അ​തു​കൊ​ണ്ടാ​ണ​ല്ലോ അ​ഖി​ല ന​ന്ദ​കു​മാ​ർ വി​ഷ​യ​ത്തി​ൽ പ്ര​തി​ക​ര​ണം ആ​രാ​ഞ്ഞ​പ്പോ​ൾ സീ​താ​റാം യെ​ച്ചൂ​രി അ​തി​നു നി​ന്നു കൊ​ടു​ക്കാ​തെ ഓ​ടി ര​ക്ഷ​പ്പെ​ടു​ന്ന​ത് നാം ​കാ​ണേ​ണ്ടി വ​രു​ന്ന​ത്. അ​ല്ലെ​ങ്കി​ൽ​ത്ത​ന്നെ, സി​പി​എം അ​ഖി​ലേ​ന്ത്യാ സെ​ക്ര​ട്ട​റി​യോ​ട് ബി​ബി​സി​ക്കും ട്വി​റ്റ​റി​നു​മൊ​ക്കെ എ​തി​രാ​യ ന​ട​പ​ടി​യെ​ക്കു​റി​ച്ച​ല്ലാ​തെ കേ​ര​ള​ത്തി​ലെ കേ​സു കാ​ര്യ​മൊ​ക്കെ ചോ​ദി​ക്കാ​മോ! അ​തൊ​ക്കെ വെ​റും "സി​ല്ലി തി​ങ്സ് ' അ​ല്ലേ!

കാ​ര്യ​ങ്ങ​ളി​ൽ വ​ന്ന മാ​റ്റം ന​മു​ക്ക് മ​ന​സി​ലാ​ക്കാ​ൻ ക​ഴി​യാ​ത്ത​തു കൊ​ണ്ട​ല്ലേ? ആ ​കു​റ​വി​ന് അ​വ​രെ​ങ്ങ​നെ ഉ​ത്ത​ര​വാ​ദി​ക​ളാ​വും! "കേ​ര​ള​ത്തി​ലെ മാ​ധ്യ​മ​ങ്ങ​ൾ​ക്ക് ഇ​ന്ത്യ​യു​ടെ കാ​ര്യ​ത്തി​ൽ താ​ല്പ​ര്യ​മി​ല്ലേ? നി​ങ്ങ​ൾ​ക്ക് ഇ​ന്ത്യ​യെ​ക്കു​റി​ച്ച് ഒ​ന്നും ചോ​ദി​ക്കാ​നി​ല്ലേ?' എ​ന്ന യെ​ച്ചൂ​രി​യു​ടെ പ്ര​തി​ക​ര​ണം അ​ത​ല്ലേ വ്യ​ക്ത​മാ​ക്കു​ന്ന​ത്. അ​പ്പോ​ൾ ന​മ്മ​ൾ ആ ​നി​ല​വാ​ര​ത്തി​ലേ​ക്ക് ഉ​യ​രു​ക​യ​ല്ലേ വേ​ണ്ട​ത്!

ഇ​വി​ടെ ന​മ്മെ അ​ദ്ഭു​ത​സ്ത​ബ്ധ​രാ​ക്കു​ന്ന​ത് ഇ​തെ​ല്ലാം ചെ​യ്തി​ട്ട് വാ​ർ​ത്ത​യു​ടെ പേ​രി​ൽ മാ​ധ്യ​മ പ്ര​വ​ർ​ത്ത​ക​രെ ല​ക്ഷ്യ​മി​ടു​ന്ന​ത് പാ​ർ​ട്ടി​യു​ടെ​യോ സ​ർ​ക്കാ​രി​ന്‍റെ​യോ ന​യ​മ​ല്ല എ​ന്ന് യാ​തൊ​രു സ​ങ്കോ​ച​വു​മി​ല്ലാ​തെ പാ​ർ​ട്ടി നേ​താ​ക്ക​ൾ ആ​വ​ർ​ത്തി​ക്കു​മ്പോ​ഴാ​ണ്. പൊ​ളി​റ്റ് ബ്യൂ​റോ അം​ഗം പ്ര​കാ​ശ് കാ​രാ​ട്ടും ഇ​തു​ത​ന്നെ​യാ​ണ് ആ​വ​ർ​ത്തി​ച്ച​ത്. കേ​സി​ന്‍റെ വി​ശ​ദാം​ശ​ങ്ങ​ൾ സം​ബ​ന്ധി​ച്ച് താ​ൻ അ​ത്ര ബോ​ധ​വാ​ന​ല്ലെ​ന്നും മാ​ധ്യ​മ പ്ര​വ​ർ​ത്ത​ക​ർ​ക്കെ​തി​രെ പാ​ർ​ട്ടി​യോ സ​ർ​ക്കാ​രോ നി​ല​പാ​ട് സ്വീ​ക​രി​ക്കു​മെ​ന്ന് ക​രു​തു​ന്നി​ല്ലെ​ന്നു​മാ​ണ് കാ​രാ​ട്ട് പ​റ​ഞ്ഞ​ത്.

എം.​വി. ഗോ​വി​ന്ദ​ൻ കേ​ര​ള​ത്തി​ലെ പാ​ർ​ട്ടി​യു​ടെ സെ​ക്ര​ട്ട​റി​യ​ല്ലേ? പി​ണ​റാ​യി ഗ​വ​ൺ​മെ​ന്‍റ് ആ ​പാ​ർ​ട്ടി​യു​ടെ സ​ർ​ക്കാ​ർ അ​ല്ലേ? അ​പ്പോ​ൾ​പ്പി​ന്നെ ഈ ​ന​യ​വും ന​ട​പ​ടി​യും ആ​രു​ടേ​താ​ണ്? കേ​സ് ര​ജി​സ്റ്റ​ർ ചെ​യ്ത പൊ​ലീ​സി​ന്‍റെ​താ​ണോ? എ​ങ്കി​ൽ​പ്പി​ന്നെ എ​ന്തി​ന് ഒ​രു സ​ർ​ക്കാ​ർ! പാ​ർ​ട്ടി സെ​ക്ര​ട്ട​റി എ​ന്തി​ന​തി​നെ ന്യാ​യീ​ക​രി​ക്ക​ണം?

ക​മ്മ്യൂ​ണി​സ്റ്റ് പാ​ർ​ട്ടി​ക​ൾ അ​ഖി​ലേ​ന്ത്യ പാ​ർ​ട്ടി​ക​ളാ​ണെ​ന്നാ​ണ് വ​യ്പ്പ്; അ​ഖി​ലേ​ന്ത്യാ പാ​ർ​ട്ടി​ക​ൾ എ​ന്ന പ​ദ​വി​ക്ക് നി​ശ്ച​യി​ച്ചി​ട്ടു​ള്ള മാ​ന​ദ​ണ്ഡ​ങ്ങ​ൾ അ​വ​ർ​ക്കി​ല്ലെ​ങ്കി​ൽ കൂ​ടി. എ​ന്നി​ട്ടും അ​ഖി​ലേ​ന്ത്യാ സെ​ക്ര​ട്ട​റി ഒ​ന്നും സം​സ്ഥാ​ന സെ​ക്ര​ട്ട​റി അ​തി​നു വി​പ​രീ​ത​മാ​യ മ​റ്റൊ​ന്നും പ​റ​യു​ന്നു! എ​ന്നി​ട്ട് അ​തെ​ല്ലാം ജ​ന​ങ്ങ​ൾ തൊ​ണ്ട തൊ​ടാ​തെ വി​ഴു​ങ്ങി​ക്കൊ​ള്ളു​മെ​ന്ന ധാ​ർ​ഷ്ട്യ​ത്തോ​ടെ​യു​ള്ള ധാ​ര​ണ​യും.

ത​ങ്ങ​ളു​ടെ പാ​ർ​ട്ടി​യു​ടെ സ​ർ​ക്കാ​ർ മാ​ധ്യ​മ സ്വാ​ത​ന്ത്ര്യ​ത്തി​ന് കൂ​ച്ചു​വി​ല​ങ്ങി​ട്ട് ജ​നാ​ധി​പ​ത്യ​ത്തി​ന്‍റെ ക​ട​യ്ക്ക​ൽ ക​ത്തി​വ​യ്ക്കു​മ്പോ​ൾ അ​തു ശ​രി​യ​ല്ലെ​ന്നു ചൂ​ണ്ടി​ക്കാ​ട്ടി തി​രു​ത്തി​ക്കേ​ണ്ട അ​ഖി​ലേ​ന്ത്യാ നേ​താ​ക്ക​ൾ അ​തു ചെ​യ്യാ​തെ, അ​ഖി​ലേ​ന്ത്യാ പാ​ർ​ട്ടി എ​ന്ന സൗ​ക​ര്യം ഉ​പ​യോ​ഗ​പ്പെ​ടു​ത്തി സം​സ്ഥാ​ന ഘ​ട​ക​ങ്ങ​ൾ നി​ല​പാ​ട് പ​റ​യു​മെ​ന്ന് വ്യ​ക്ത​മാ​ക്കി ഉ​ത്ത​ര​വാ​ദി​ത്വ​ത്തി​ൽ നി​ന്ന് ഒ​ളി​ച്ചോ​ടു​ന്നു. ഇ​ക്കാ​ര്യ​ത്തി​ൽ സി​പി​എം മാ​ത്ര​മ​ല്ല സി​പി​ഐ സെ​ക്ര​ട്ട​റി ഡി. ​രാ​ജ​യു​ടെ പ്ര​തി​ക​ര​ണ​വും അ​താ​ണ് വെ​ളി​വാ​ക്കു​ന്ന​ത്. സി​പി​ഐ എ​ന്നും മാ​ധ്യ​മ സ്വാ​ത​ന്ത്ര്യ​ത്തി​നൊ​പ്പ​മാ​ണെ​ന്നും പാ​ർ​ട്ടി​യു​ടെ സു​സ്ഥി​ര നി​ല​പാ​ട് അ​താ​ണെ​ന്നും വ്യ​ക്ത​മാ​ക്കു​ന്ന സെ​ക്ര​ട്ട​റി, അ​തി​ന് വി​രു​ദ്ധ​മാ​യി കേ​ര​ള സ​ർ​ക്കാ​ർ എ​ടു​ത്ത കേ​സി​നെ അ​പ​ല​പി​ക്കാ​തെ അ​ത് സം​സ്ഥാ​ന ഘ​ട​ക​ത്തി​നു വി​ടു​ന്നു. എ​ന്തൊ​രു വി​രോ​ധാ​ഭാ​സം!

ഇ​വി​ടെ അ​ഖി​ല ന​ന്ദ​കു​മാ​ർ എ​ന്തു ഗൂ​ഢാ​ലോ​ച​ന​യാ​ണ് ന​ട​ത്തി​യ​ത്? കെ. ​വി​ദ്യ എ​ന്ന എ​സ്എ​ഫ്ഐ നേ​താ​വ് വ്യാ​ജ​രേ​ഖ​യു​ണ്ടാ​ക്കി ജോ​ലി ത​ര​പ്പെ​ടു​ത്താ​ൻ നോ​ക്കി​യെ​ന്ന കേ​സ് തൊ​ണ്ടി സ​ഹി​തം പി​ടി​ക്ക​പ്പെ​ട്ട​തു ത​ർ​ക്ക​മി​ല്ലാ​ത്ത വ​സ്തു​ത. നി​ർ​മി​ച്ച വ്യാ​ജ​രേ​ഖ മ​ഹാ​രാ​ജാ​സ് കോ​ളെ​ജി​ന്‍റെ പേ​രി​ലു​ള്ള​താ​ക​യാ​ൽ അ​വി​ടെ​യെ​ത്തി പ്രി​ൻ​സി​പ്പ​ല​ട​ക്ക​മു​ള്ള​വ​രോ​ട് പ്ര​തി​ക​ര​ണം ആ​രാ​യു​ന്ന​തി​നി​ടെ എ​സ്എ​ഫ്ഐ സം​സ്ഥാ​ന സെ​ക്ര​ട്ട​റി പി.​എം. ആ​ർ​ഷോ പ​രീ​ക്ഷ​യെ​ഴു​താ​തെ ജ​യി​ച്ചു എ​ന്ന് രേ​ഖ​പ്പെ​ടു​ത്തി​യി​രി​ക്കു​ന്ന വി​വ​രം കെ​എ​സ്‌‌​യു നേ​താ​വ് അ​വ​രോ​ട് പ​ങ്കു​വ​യ്ക്കു​ന്നു. ലൈ​വ് ടെ​ലി​കാ​സ്റ്റി​നി​ട​യി​ൽ രാ​ഷ്‌​ട്രീ​യ ആ​രോ​പ​ണം എ​ന്ന വി​ശേ​ഷ​ണ​ത്തോ​ടെ അ​വ​ർ അ​ത് റി​പ്പോ​ർ​ട്ട് ചെ​യ്യു​ന്നു. "പാ​സ് ' എ​ന്ന് രേ​ഖ​പ്പെ​ടു​ത്തി​യി​രി​ക്കു​ന്ന രേ​ഖ അ​പ്പോ​ഴും ഇ​പ്പോ​ഴും നി​ല​നി​ൽ​ക്കെ​ത്ത​ന്നെ കെ​എ​സ്‌​യു നേ​താ​വി​ന്‍റെ വെ​ളി​പ്പെ​ടു​ത്ത​ലാ​ക​യാ​ൽ "രാ​ഷ്‌​ട്രീ​യ ആ​രോ​പ​ണം' എ​ന്ന മു​ഖ​വു​ര​യോ​ടെ അ​ത് പ​റ​യു​ന്ന അ​ഖി​ല എ​ങ്ങ​നെ ഗൂ​ഢാ​ലോ​ച​ന​ക്കാ​രി​യാ​കും? ലൈ​വി​നി​ടെ മു​ൻ​കൂ​ർ ധാ​ര​ണ​യി​ല്ലാ​തെ പെ​ട്ടെ​ന്ന് വെ​ളി​പ്പെ​ട്ട ഒ​രു ഗു​രു​ത​ര പ്ര​ശ്ന​ത്തെ രാ​ഷ്‌​ട്രീ​യ ആ​രോ​പ​ണം എ​ന്നു കൂ​ടി ചേ​ർ​ത്ത് അ​വ​ത​രി​പ്പി​ച്ച അ​വ​രു​ടെ പ്ര​ത്യു​ൽ​പ്പ​ന്ന​മ​തി​ത്വ​ത്തെ അ​ഭി​ന​ന്ദി​ക്കു​ക​യ​ല്ലേ വേ​ണ്ട​ത്.

എ​ഴു​താ​ത്ത പ​രീ​ക്ഷ​യു​ടെ മാ​ർ​ക്ക് ലി​സ്റ്റ് ആ​ർ​ഷോ​യു​ടെ പേ​രി​ൽ വെ​ബ്സൈ​റ്റി​ൽ അ​പ്‌​ലോ​ഡ് ചെ​യ്ത വി​വ​രം മാ​ർ​ച്ചി​ൽ ത​ന്നെ അ​ധ്യാ​പ​ക​ർ അ​റി​യു​ക​യും ചൂ​ണ്ടി​ക്കാ​ട്ടു​ക​യും ചെ​യ്തി​ട്ടും അ​ത് നീ​ക്കം ചെ​യ്യ​പ്പെ​ട്ടി​ല്ല എ​ന്ന വ​സ്തു​ത നി​ല​നി​ൽ​ക്കു​ന്നു. ആ​ർ​ഷോ ഇ​പ്പോ​ൾ പ​റ​യു​ന്ന​തു​പോ​ലെ അ​ത് പി​ശ​കോ ത​നി​ക്കെ​തി​രാ​യ ബോ​ധ​പൂ​ർ​വ​മാ​യ ഗൂ​ഢാ​ലോ​ച​ന​യോ ആ​യി​രു​ന്നെ​ങ്കി​ൽ അ​ന്ന് എ​ന്തു​കൊ​ണ്ട് പ​രാ​തി ന​ൽ​കി​യി​ല്ല? തെ​റ്റ് തി​രു​ത്താ​ൻ ആ​വ​ശ്യ​പ്പെ​ട്ടി​ല്ല? മാ​സ​ങ്ങ​ൾ​ക്ക് ശേ​ഷം ഇ​പ്പോ​ൾ വി​വാ​ദ​മു​ണ്ടാ​കു​ന്ന​തു വ​രെ കാ​ത്തി​രു​ന്ന​ത് വാ​യി​ച്ചെ​ടു​ക്കു​മ്പോ​ൾ യ​ഥാ​ർ​ഥ ഗൂ​ഢാ​ലോ​ച​ന അ​ര​ങ്ങേ​റി​യ​ത് അ​വി​ടെ​യ​ല്ലേ എ​ന്ന ചോ​ദ്യം അ​വ​ശേ​ഷി​ക്കു​ന്നു.

നി​ങ്ങ​ൾ​ക്ക് ഇ​ന്ത്യ​യെ​ക്കു​റി​ച്ച് ഒ​രു താ​ത്പ​ര്യ​വു​മി​ല്ലേ എ​ന്ന് യെ​ച്ചൂ​രി മാ​ധ്യ​പ്ര​വ​ർ​ത്ത​ക​രോ​ട് ചോ​ദി​ക്കു​മ്പോ​ൾ ഇ​ന്ത്യ​യെ​ന്നാ​ൽ കേ​ന്ദ്ര​വും സം​സ്ഥാ​ന​ങ്ങ​ളും കേ​ന്ദ്ര​ഭ​ര​ണ പ്ര​ദേ​ശ​ങ്ങ​ളു​മെ​ല്ലാം ചേ​ർ​ന്ന​ത​ല്ലേ എ​ന്ന മ​റു​ചോ​ദ്യ​മാ​ണ് സ്വാ​ഭാ​വി​ക​മാ​യും ഉ​യ​രു​ക. മോ​ദി സ​ർ​ക്കാ​രി​ന്‍റെ കാ​ർ​ബ​ൺ പ​തി​പ്പാ​യി പി​ണ​റാ​യി സ​ർ​ക്കാ​ർ മാ​റു​മ്പോ​ൾ അ​ഖി​ലേ​ന്ത്യാ സെ​ക്ര​ട്ട​റി അ​ത് അ​റി​ഞ്ഞി​ല്ലെ​ന്നാ​ണോ?

ഡ​ൽ​ഹി​യി​ൽ പാ​ർ​ല​മെ​ന്‍റി​ലും ഓ​ഫി​സു​ക​ളി​ലും പ​ത്ര​പ്ര​വ​ർ​ത്ത​ക​ർ​ക്ക് പ്ര​ക​ട​മാ​യ ത​ട​സ​ങ്ങ​ൾ സൃ​ഷ്ടി​ച്ച് സാ​ധാ​ര​ണ വാ​ർ​ത്ത പോ​ലും കൈ​മാ​റാ​ൻ ക​ഴി​യാ​ത്ത വി​ധം ഉ​ദ്യോ​ഗ​സ്ഥ​രെ ഭ​യ​ച​കി​ത​രാ​ക്കി. ഭ​ര​ണ​ക്കാ​ർ ത​രു​ന്ന​തും അ​വ​ർ​ക്ക് യോ​ഗ്യ​മാ​യ​തും മാ​ത്രം പൊ​തു​സ​മൂ​ഹം അ​റി​ഞ്ഞാ​ൽ മ​തി എ​ന്ന ധാ​ർ​ഷ്ട്യം.

തി​രു​വ​ന​ന്ത​പു​ര​ത്തു സെ​ക്ര​ട്ട​റി​യേ​റ്റി​ലും ഇ​തേ അ​വ​സ്ഥ ത​ന്നെ​യു​ണ്ടാ​ക്കി. മാ​ധ്യ​മ​പ്ര​വ​ർ​ത്ത​ക​ർ​ക്ക് ഉ​ദ്യോ​ഗ​സ്ഥ​രെ പോ​യി കാ​ണു​ന്ന​തി​ന് അ​പ്ര​ഖ്യാ​പി​ത വി​ല​ക്ക്. അ​വ​ർ ഗേ​റ്റി​ൽ വി​ളി​ച്ചു പ​റ​ഞ്ഞാ​ൽ ആ ​മാ​ധ്യ​മ പ്ര​വ​ർ​ത്ത​ക​രെ മാ​ത്രം ക​ട​ത്തി​വി​ടു​ന്ന രീ​തി. അ​പ്പോ​ൾ ഏ​തു ഉ​ദ്യോ​ഗ​സ്ഥ​നാ​ണ് വാ​ർ​ത്ത​യു​ടെ ഉ​റ​വി​ടം എ​ന്ന​റി​യാ​വു​ന്ന അ​വ​സ്ഥാ​വി​ശേ​ഷം. ഇ​ത് ര​ണ്ടും ത​മ്മി​ൽ എ​ന്താ​ണ് വ്യ​ത്യാ​സം?

കേ​ന്ദ്രം കൊ​ണ്ടു​വ​ന്ന പ​ല നി​യ​മ​ങ്ങ​ളെ​യും ക​രി​നി​യ​മ​മെ​ന്ന് പ​റ​ഞ്ഞ് എ​തി​ർ​ത്ത സി​പി​എ​മ്മി​ന്‍റെ കേ​ര​ള​ത്തി​ലെ സ​ർ​ക്കാ​ർ ത​ന്നെ അ​തി​നേ​ക്കാ​ൾ ക​ടു​ത്ത ക​രി​നി​യ​മ​ങ്ങ​ൾ​ക്ക് ശ്ര​മി​ച്ച​തും സ​മീ​പ​കാ​ല കാ​ഴ്ച. പൊ​ലീ​സ് നി​യ​മ​ത്തി​ലെ 118 (ഡി) ​വ​കു​പ്പി​ൽ വ​രു​ത്തി​യ ഭേ​ദ​ഗ​തി ത​ന്നെ ഉ​ദാ​ഹ​ര​ണം. അ​ഹി​ത​മാ​യ അ​ഭി​പ്രാ​യം പ്ര​ക​ടി​പ്പി​ക്കു​ന്ന​തി​ന്‍റെ പേ​രി​ൽ അ​റ​സ്റ്റ് ചെ​യ്യാ​ൻ പൊ​ലീ​സി​ന് അ​ധി​കാ​രം ന​ൽ​കു​ന്ന​താ​യി​രു​ന്നു ആ ​ഭേ​ദ​ഗ​തി.

മാ​ധ്യ​മ​ങ്ങ​ളോ​ട് സം​സാ​രി​ക്കി​ല്ല എ​ന്ന് പ്ര​ധാ​ന​മ​ന്ത്രി ശ​പ​ഥം ചെ​യ്ത​ത് ഇ​ന്ത്യ ച​രി​ത്ര​ത്തി​ൽ ആ​ദ്യം. വാ​ർ​ത്താ​സ​മ്മേ​ള​ന​ങ്ങ​ൾ വ​ഴി പ്ര​ധാ​ന​മ​ന്ത്രി ജ​ന​സ​മൂ​ഹ​ത്തോ​ട് സം​വ​ദി​ച്ച​ത് ഇ​പ്പോ​ൾ പ​ഴ​യ ച​രി​ത്രം. ഇ​വി​ടെ മു​ഖ്യ​മ​ന്ത്രി​യും ആ ​ശ​പ​ഥം ആ​വ​ർ​ത്തി​ച്ചു. മ​ന്ത്രി​സ​ഭാ​യോ​ഗ​ങ്ങ​ൾ ക​ഴി​ഞ്ഞ് എ​ല്ലാ ആ​ഴ്ച​യും മു​ഖ്യ​മ​ന്ത്രി ന​ട​ത്തി​യി​രു​ന്ന വാ​ർ​ത്താ​സ​മ്മേ​ള​ന​ങ്ങ​ൾ ഇ​ന്ന് ഓ​ർ​മ മാ​ത്രം. പി​ആ​ർ​ഡി​യു​ടെ പ​ത്ര​ക്കു​റി​പ്പ് മാ​ത്രം ശ​ര​ണം.

നി​യ​മ​സ​ഭാ ചോ​ദ്യോ​ത്ത​ര​വേ​ള മാ​ധ്യ​മ​ങ്ങ​ൾ നേ​രി​ട്ട് സം​പ്രേ​ക്ഷ​ണം ചെ​യ്യു​ന്ന​ത് പെ​ട്ടെ​ന്ന് നി​ർ​ത്തി. സ​ഭാ ടി​വി പി​ന്നീ​ട് ന​ൽ​കു​ന്ന ദൃ​ശ്യ​ങ്ങ​ൾ മാ​ത്ര​മേ മാ​ധ്യ​മ​ങ്ങ​ൾ​ക്ക് കാ​ണി​ക്കാ​നാ​വൂ. അ​തു​ത​ന്നെ സ​ഭ​യി​ലെ പ്ര​തി​പ​ക്ഷ പ്ര​തി​ഷേ​ധം ഒ​ഴി​വാ​ക്കി കൊ​ണ്ടു​ള്ള ദൃ​ശ്യ​ങ്ങ​ളും.

അ​തും പോ​രാ​ഞ്ഞാ​ണു കേ​സു​ക​ൾ. റി​പ്പോ​ർ​ട്ട​ർ​മാ​ർ​ക്കെ​തി​രെ മാ​ത്ര​മ​ല്ല, വാ​ർ​ത്താ അ​വ​താ​ര​ക​ർ​ക്കും കേ​സി​ലെ പ്ര​തി​യെ കൊ​ണ്ടു​വ​ന്ന വാ​ഹ​ന​ത്തെ പി​ന്തു​ട​ർ​ന്നു എ​ന്ന പേ​രി​ൽ ന്യൂ​സ് സം​ഘ​ത്തി​നും എ​തി​രെ വ​രെ​യാ​ണ് കേ​സു​ക​ൾ. ഒ​ടു​വി​ൽ അ​ഴി​മ​തി റി​പ്പോ​ർ​ട്ട് ചെ​യ്ത പ​ത്ര​പ്ര​വ​ർ​ത്ത​ക​നു വ​രെ നോ​ട്ടീ​സ്. സോ​ഴ്സ് വെ​ളി​പ്പെ​ടു​ത്ത​ണം പോ​ലും. കേ​ട്ടു​കേ​ൾ​വി പോ​ലു​മി​ല്ലാ​ത്ത ന​ട​പ​ടി. സോ​ഴ്സ് ഒ​രു മാ​ധ്യ​മ​പ്ര​വ​ർ​ത്ത​ക​ന്‍റെ അ​തി​വി​ശു​ദ്ധ ര​ഹ​സ്യ​മാ​ണ്. ഒ​രി​ക്ക​ലും അ​നാ​വ​ര​ണം ചെ​യ്യ​പ്പെ​ടാ​നാ​വാ​ത്ത​ത്. Right to remain silence-ന് ​അ​വ​കാ​ശ​മു​ണ്ടെ​ന്ന് സു​പ്രീം കോ​ട​തി ത​ന്നെ വ്യ​ക്ത​മാ​ക്കി​യി​ട്ടു​ണ്ട്. ഇ​തൊ​ന്നു​മ​റി​യാ​ത്ത​വ​രാ​ണോ പൊ​ലീ​സ്. റി​പ്പോ​ർ​ട്ട് ചെ​യ്യ​പ്പെ​ട്ട അ​ഴി​മ​തി​ക്കും അ​ഴി​മ​തി​ക്കാ​ർ​ക്കു​മെ​തി​രേ ന​ട​പ​ടി​യി​ല്ല. അ​ത് പു​റ​ത്തു കൊ​ണ്ടു​വ​ന്ന​വ​രെ വേ​ട്ട​യാ​ടു​ക. എ​ന്നാ​ൽ ഒ​രു കാ​ര്യം ഓ​ർ​ക്കു​ന്ന​ത് ന​ന്ന് - "ഈ​ശ്വ​ര​ൻ തെ​റ്റ് ചെ​യ്താ​ലും അ​ത് ഞാ​ൻ റി​പ്പോ​ർ​ട്ട് ചെ​യ്യു​മെ​ന്ന് ' പ​റ​ഞ്ഞ സ്വ​ദേ​ശാ​ഭി​മാ​നി രാ​മ​കൃ​ഷ്ണ​പി​ള്ള​യു​ടെ നാ​ടാ​ണി​ത്. മ​റ​ക്കേ​ണ്ട.

ഇ​ങ്ങ​നെ പ്ര​തി​പ​ക്ഷ​മി​ല്ലാ​ത്ത, പ്ര​തി​ഷേ​ധ​മോ വി​മ​ർ​ശ​ന​ങ്ങ​ളോ ഇ​ല്ലാ​ത്ത, മാ​ധ്യ​മ​സ്വാ​ത​ന്ത്ര്യ​മി​ല്ലാ​ത്ത, തെ​റ്റു​ക​ൾ ചൂ​ണ്ടി​ക്കാ​ണി​ക്ക​പ്പെ​ടാ​ത്ത, പു​ക​ഴ്ച​യും വാ​ഴ്ത്തു​പാ​ട്ടു​ക​ളും മാ​ത്ര​മു​ള്ള ജ​നാ​ധി​പ​ത്യ​മാ​ണ് അ​വ​ർ സ്വ​പ്നം കാ​ണു​ന്ന​ത്. അ​തി​ലേ​ക്കാ​ണ് ചു​വ​ടു​ക​ൾ വ​യ്ക്കു​ന്ന​ത്. "മ​ധു​ര, മ​നോ​ഹ​ര, മ​നോ​ജ്ഞ ജ​നാ​ധി​പ​ത്യം'.

ഇ​ന്ത്യ​യെ കു​റി​ച്ച് ഒ​ന്നും പ​റ​യാ​നി​ല്ലേ എ​ന്ന് ചോ​ദി​ക്കു​ന്ന പാ​ർ​ട്ടി സെ​ക്ര​ട്ട​റി പ​ല്ലും ന​ഖ​വും ഉ​പ​യോ​ഗി​ച്ച് നി​ങ്ങ​ൾ എ​തി​ർ​ക്കു​ന്ന ഇ​ത്ത​രം ന​ട​പ​ടി​ക​ൾ കേ​ര​ള​ത്തി​ൽ അ​തേ​പോ​ലെ ആ​വ​ർ​ത്തി​ക്ക​പ്പെ​ടു​മ്പോ​ൾ അ​തേ​ക്കു​റി​ച്ചു​ള്ള നി​ല​പാ​ട് കൂ​ടി വി​ശ​ദീ​ക​രി​ക്ക​ണം. അ​ടി​സ്ഥാ​ന പ്ര​മാ​ണ​മാ​യി നി​ങ്ങ​ൾ ഉ​രു​വി​ടു​ന്ന "വൈ​രു​ധ്യാ​ധി​ഷ്ഠി​ത ഭൗ​തി​ക​വാ​ദ​ത്തി​ന്‍റെ' പ്ര​യോ​ഗ​സാ​ധ്യ​ത​ക​ളാ​ണോ ഇ​തി​ലൂ​ടെ വെ​ളി​പ്പെ​ടു​ന്ന​ത് എ​ന്ന​തി​ന്‍റെ താ​ത്വി​ക അ​വ​ലോ​ക​ന​മെ​ങ്കി​ലും ന​ൽ​ക​ണം. അ​തു ചോ​ദി​ക്കു​മ്പോ​ൾ മൈ​ക്ക് ത​ട്ടി മൗ​നി​യാ​യി ഓ​ടി ര​ക്ഷ​പ്പെ​ട​രു​ത്. വി​പ്ല​വം സാ​ധി​ത​പ്രാ​യ​മാ​ക്കേ​ണ്ട പാ​ർ​ട്ടി​യു​ടെ സെ​ക്ര​ട്ട​റി​ക്ക് ആ ​ഒ​ളി​ച്ചോ​ട്ടം ഭൂ​ഷ​ണ​മാ​വി​ല്ല.

വി​യോ​ജി​പ്പു​ക​ളും വി​മ​ർ​ശ​ന​ങ്ങ​ളു​മാ​ണ് ജ​നാ​ധി​പ​ത്യ​ത്തി​ന്‍റെ സൗ​ന്ദ​ര്യം. അ​തി​നോ​ടു​ള്ള അ​സ​ഹി​ഷ്ണു​ത​യും അ​ലോ​ര​സ​വു​മെ​ല്ലാം ഏ​കാ​ധി​പ​ത്യ​ത്തി​ന്‍റെ ഭാ​വ​പ്ര​ക​ട​ന​ങ്ങ​ളാ​ണ്. സ​ർ​വാ​ധി​പ​ത്യ​ത്തി​ലേ​ക്കു​ള്ള ചു​വ​ടു​വ​യ്പ്പ്. അ​തി​ന് ജ​നാ​ധി​പ​ത്യ​ത്തി​ന്‍റെ ഫോ​ർ​ത്ത് എ​സ്റ്റേ​റ്റാ​യ മാ​ധ്യ​മ​ങ്ങ​ളെ വി​ര​ട്ടി വ​രു​തി​യി​ലാ​ക്ക​ണം - അ​താ​ണി​വി​ടെ ന​ട​ക്കു​ന്ന​ത്. സ്വ​ത​ന്ത്ര മാ​ധ്യ​മ​പ്ര​വ​ർ​ത്ത​നം വേ​ണ്ടാ, വാ​ലാ​ട്ടി അ​രു​നി​ന്നു​കൊ​ള്ള​ണം എ​ന്ന സ​ന്ദേ​ശം. അ​ത് ഒ​രു വ്യ​ക്തി​യു​ടെ വ്യ​ക്തി​ത്വ​ത്തോ​ടു ത​ന്നെ​യു​ള്ള അ​വ​ഹേ​ള​ന​മ​ല്ലേ? നി​ങ്ങ​ൾ ന​ട്ടെ​ല്ല് പ​ണ​യ​പ്പെ​ടു​ത്തി കീ​ഴ്പ്പെ​ട്ടു​കൊ​ള്ള​ണ​മെ​ന്ന് പ​റ​യു​ന്ന​തി​നേ​ക്കാ​ൾ അ​പ​മാ​ന​ക​ര​മാ​യി മ​റ്റെ​ന്തു​ണ്ട്. ഒ​രു പ​രി​ഷ്കൃ​ത സ​മൂ​ഹ​ത്തി​ന് ഇ​ത് യോ​ജി​ച്ച​താ​ണോ എ​ന്നു കൂ​ടി പാ​ർ​ട്ടി സെ​ക്ര​ട്ട​റി വ്യ​ക്ത​മാ​ക്ക​ണം.

ഇ​ത്ത​ര​ത്തി​ൽ പ​രി​ഹാ​സ്യ​വും അ​പ​ഹാ​സ്യ​വു​മാ​യ ന​ട​പ​ടി​ക​ളു​ടെ എ​ഴു​ന്നെ​ള്ളി​പ്പ്. ജ​നാ​ധി​പ​ത്യ​ത്തി​ന്‍റെ നി​ല​നി​ൽ​പ്പ് ത​ന്നെ അ​പാ​യ​പ്പെ​ടു​ത്തു​ന്ന അ​ത്യ​ന്തം ആ​പ​ൽ​ക​ര​മാ​യ ആ​സൂ​ത്രി​ത നീ​ക്ക​ങ്ങ​ൾ. ഇ​തു​പോ​ലൊ​രു ഇ​രു​ണ്ട കാ​ലം സ​മീ​പ​ത്തെ​ങ്ങും ആ​ർ​ക്കും ഓ​ർ​മ​യി​ൽ ഉ​ണ്ടാ​വി​ല്ല. അ​തു​കൊ​ണ്ടു​ത​ന്നെ സ​ർ​വ​ശ​ക്തി​യും സ​മാ​ഹ​രി​ച്ച് ഇ​തി​നെ ചെ​റു​ക്കേ​ണ്ട​തു കാ​ല​ഘ​ട്ട​ത്തി​ന്‍റെ ആ​വ​ശ്യം. അ​തി​നു​ള്ള സ​ന്ന​ദ്ധ​ത​യും ജാ​ഗ്ര​ത​യു​മാ​ണ് എ​ല്ലാ​വ​രും പ്ര​ക​ടി​പ്പി​ക്കേ​ണ്ട​ത്.