#സ്മൃ​തി ഇ​റാ​നി, കേ​ന്ദ്ര വ​നി​താ- ശി​ശു​ക്ഷേ​മ വ​കു​പ്പു മ​ന്ത്രി

നി​റ​ഞ്ഞ ചാ​രി​താ​ർ​ഥ്യ​ത്തോ​ടെ​യും തി​ക​ഞ്ഞ ഉ​ത്ത​ര​വാ​ദി​ത്ത ബോ​ധ​ത്തോ​ടെ​യു​മാ​യി​രു​ന്നു ലോ​ക്‌ സ​ഭാം​ഗ​ങ്ങ​ളു​ടെ മു​ന്നി​ൽ ഞാ​ൻ നി​ന്ന​ത്. അ​തീ​വ പ്രാ​ധാ​ന്യ​മു​ള്ള​തും, ന​മ്മു​ടെ രാ​ജ്യ​ത്തി​ന്‍റെ ഭാ​വി​യെ പു​ന​ർ​നി​ർ​മി​ക്കാ​ൻ ശേ​ഷി​യു​ള്ള ഒ​രു വി​ഷ​യം ച​ർ​ച്ച ചെ​യ്യാ​നു​ള്ള ഒ​ത്തു​ചേ​ര​ലാ​യി​രു​ന്നു അ​ത്. പൊ​തു​വെ വ​നി​താ സം​വ​ര​ണ ബി​ൽ എ​ന്ന​റി​യ​പ്പെ​ടു​ന്ന "നാ​രീ ശ​ക്തി വ​ന്ദ​ൻ അ​ധി​നി​യം' എ​ന്ന ബി​ല്ലി​നെ​ക്കു​റി​ച്ചാ​ണ് പ​റ​ഞ്ഞു​വ​രു​ന്ന​ത്. ലോ​ക്‌​സ​ഭ​യി​ലും സം​സ്ഥാ​ന നി​യ​മ സ​ഭ​ക​ളി​ലും 33% സീ​റ്റു​ക​ൾ വ​നി​ത​ക​ൾ​ക്കാ​യി സം​വ​ര​ണം ചെ​യ്യാ​ൻ നി​ർ​ദി​ഷ്ട ഭ​ര​ണ​ഘ​ട​നാ ഭേ​ദ​ഗ​തി നി​ർ​ദേ​ശി​ക്കു​ന്നു. രാ​ഷ്‌​ട്രീ​യ മേ​ഖ​ല​യി​ൽ വ​നി​ത​ക​ളെ ശാ​ക്തീ​ക​രി​ക്കു​ന്ന​തി​നു​ള്ള ഒ​രു സു​പ്ര​ധാ​ന ചു​വ​ടു​വ​യ്പ്പാ​ണി​ത്.

ഏ​റെ​ക്കാ​ലം മു​മ്പ്, രാ​ഷ്‌​ട്രം അ​ടി​മ​ത്ത​ത്തി​ൽ നി​ന്ന് സ്വാ​ത​ന്ത്ര്യം നേ​ടി​യ​പ്പോ​ൾ, ത​ങ്ങ​ളു​ടെ ഭ​ര​ണ​ഘ​ട​നാ​ദ​ത്ത​മാ​യ അ​വ​കാ​ശ​ങ്ങ​ൾ സം​ര​ക്ഷി​ക്ക​പ്പെ​ട​ണ​മെ​ന്ന് വി​വി​ധ പ്ര​ദേ​ശ​ങ്ങ​ളി​ലെ സാ​ധാ​ര​ണ സ്ത്രീ​ക​ൾ ആ​വ​ശ്യ​പ്പെ​ട്ടി​രു​ന്നു. രാ​ജ്യ​ത്തി​ന്‍റെ സ്വാ​ത​ന്ത്ര്യ​ത്തി​ൽ നി​ർ​ണാ​യ​ക പ​ങ്ക് വ​ഹി​ച്ച, സാ​ധാ​ര​ണ കു​ടും​ബ​ങ്ങ​ളി​ൽ നി​ന്നു​ള്ള ദാ​ർ​ശ​നി​ക​രാ​യ വ​നി​ത​ക​ൾ, സാ​ധാ​ര​ണ സ്ത്രീ​ക​ൾ​ക്ക് അ​ർ​ഹ​മാ​യ അ​വ​സ​രം ല​ഭി​ച്ചി​ല്ലെ​ങ്കി​ൽ, കാ​ല​ക്ര​മേ​ണ അ​ത് സ്ത്രീ​സ​മൂ​ഹ​ത്തി​ന് ഒ​രു വെ​ല്ലു​വി​ളി​യാ​യി​ത്തീ​രു​മെ​ന്ന് മ​ന​സി​ലാ​ക്കി​യി​രു​ന്നു. ദാ​ർ​ശ​നി​ക​രാ​യ ആ ​വ​നി​ത​ക​ളെ ഇ​ന്ന് ഞാ​ൻ അ​ഭി​വാ​ദ്യം ചെ​യ്യു​ന്നു.

ഇ​ന്ത്യ​യി​ലെ സ്ത്രീ​ക​ളു​ടെ അ​വ​സ്ഥ പ​ഠി​ക്കാ​ൻ 1971ലെ ​ഗ​വ​ൺ​മെ​ന്‍റി​ന്‍റെ കാ​ല​ത്ത് ഒ​രു സ​മി​തി രൂ​പീ​ക​രി​ക്കു​ക​യു​ണ്ടാ​യി. 1974ൽ ​സ​മി​തി സ​മ​ർ​പ്പി​ച്ച റി​പ്പോ​ർ​ട്ടി​ന്‍റെ ഏ​ഴാം അ​ധ്യാ​യ​ത്തി​ൽ, വ​നി​ത​ക​ൾ​ക്ക് ഭ​ര​ണ​ഘ​ട​നാ​പ​ര​മാ​യ അ​വ​കാ​ശ​ങ്ങ​ൾ ഉ​റ​പ്പ് ന​ൽ​ക​ണ​മെ​ന്ന് ഭാ​ര​തീ​യ ജ​ന​സം​ഘം ആ​വ​ശ്യ​പ്പെ​ട്ട​താ​യി രേ​ഖ​പ്പെ​ടു​ത്തി​യി​ട്ടു​ണ്ട്. ജ​ന​സം​ഘം വ​നി​ത​ക​ൾ​ക്ക് സം​വ​ര​ണം വേ​ണ​മെ​ന്ന് വാ​ദി​ച്ചി​രു​ന്നു. ജ​ന​സം​ഘ​ത്തി​ലെ ദീ​ർ​ഘ​ദ​ർ​ശി​ക​ളാ​യ ചി​ന്ത​ക​ർ​ക്ക് ഇ​ന്ന് ഞാ​ൻ ന​ന്ദി രേ​ഖ​പ്പെ​ടു​ത്തു​ന്നു.

സ്വ​ന്തം സം​ഘ​ട​ന​യി​ൽ വ​നി​താ സം​വ​ര​ണം ഏ​ർ​പ്പെ​ടു​ത്തു​ന്ന രാ​ജ്യ​ത്തെ ആ​ദ്യ രാ​ഷ്‌​ട്രീ​യ പാ​ർ​ട്ടി​യാ​യി ഭാ​ര​തീ​യ ജ​ന​താ പാ​ർ​ട്ടി​ക്ക് നേ​ര​ത്തെ ത​ന്നെ മാ​റാ​ൻ ക​ഴി​ഞ്ഞ​തി​ൽ ബി​ജെ​പി പ്ര​വ​ർ​ത്ത​ക​ർ​ക്ക് അ​ഭി​മാ​ന​മു​ണ്ട്.

ഈ ​ച​ർ​ച്ച​ക​ൾ​ക്കി​ട​യി​ൽ, വ​നി​താ സം​വ​ര​ണ ബി​ല്ലി​ന്‍റെ ക​ർ​ത്തൃ​ത്വ​ത്തെ സം​ബ​ന്ധി​ച്ച അ​വ​കാ​ശ​വാ​ദ​ങ്ങ​ൾ​ക്കും വാ​ദ​പ്ര​തി​വാ​ദ​ങ്ങ​ൾ​ക്കും നാം ​സാ​ക്ഷ്യം വ​ഹി​ച്ചു. വി​ജ​യ​ത്തി​ന്‍റെ പി​തൃ​ത്വ​മേ​റ്റ​ടു​ക്കാ​ൻ ഒ​രു​പാ​ട് പേ​ർ കാ​ണു​മെ​ന്നും പ​രാ​ജ​യം അ​നാ​ഥ​മാ​ണെ​ന്നും പ​റ​യാ​റു​ണ്ട്. ബി​ല്ലി​ന്‍റെ പ​രി​ഗ​ണ​നാ​വേ​ള​യി​ൽ അ​ത് "ന​മ്മു​ടെ ബി​ൽ' ആ​ണെ​ന്ന് ചി​ല​ർ അ​വ​കാ​ശ​വാ​ദം ഉ​ന്ന​യി​ച്ചു. ചി​ല​രാ​ക​ട്ടെ അ​തി​നാ​യി ക​ത്തെ​ഴു​തി​യി​രു​ന്നു എ​ന്ന് അ​വ​കാ​ശ​പ്പെ​ട്ടു. ത​ങ്ങ​ളാ​ണ് മു​ഴു​വ​ൻ ഭ​ര​ണ​ഘ​ട​നാ ച​ട്ട​ക്കൂ​ടും സ്ഥാ​പി​ച്ച​ത് എ​ന്ന് ചി​ല​ർ പ​റ​ഞ്ഞു.

ഒ​രു വ​നി​താ നേ​താ​വ് ലോ​ക്‌​സ​ഭ​യി​ൽ ന​ട​ത്തി​യ പ്ര​സം​ഗം ര​ണ്ട് കാ​ര്യ​ങ്ങ​ൾ വ്യ​ക്ത​മാ​ക്കി. അ​തി​ന് ഞാ​ൻ അ​വ​രോ​ട് ന​ന്ദി പ​റ​യാ​ൻ ആ​ഗ്ര​ഹി​ക്കു​ന്നു. ഒ​ന്നാ​മ​താ​യി, ഭ​ര​ണ​ഘ​ട​ന​യു​ടെ 73ഉം 74​ഉം ഭേ​ദ​ഗ​തി​ക​ളു​ടെ ക്രെ​ഡി​റ്റ് ഒ​രു പ്ര​ത്യേ​ക കു​ടും​ബ​ത്തി​നാ​ണ് പ​ല​പ്പോ​ഴും ക​ല്പി​ച്ച് ന​ൽ​കി​യി​രു​ന്ന​ത്. എ​ന്നാ​ൽ, പി.​വി. ന​ര​സിം​ഹ റാ​വു​വാ​ണ് ഇ​തി​ന് മു​ഖ്യ​കാ​ർ​മി​ക​ത്വം വ​ഹി​ച്ച​തെ​ന്ന് അ​വ​ർ പാ​ർ​ല​മെ​ന്‍റി​ൽ സ​മ്മ​തി​ക്കു​ക​യു​ണ്ടാ​യി. ഈ ​സു​പ്ര​ധാ​ന ഭേ​ദ​ഗ​തി​ക​ൾ​ക്ക് ആ​രൊ​ക്കെ​യാ​ണ് സം​ഭാ​വ​ന ന​ൽ​കി​യ​തെ​ന്ന് നാം ​തി​രി​ച്ച​റി​യേ​ണ്ട​ത് അ​ത്യാ​വ​ശ്യ​മാ​ണ്. ന​ര​സിം​ഹ റാ​വു​വി​ന്‍റെ പേ​ര് തീ​ർ​ച്ച​യാ​യും ച​രി​ത്ര​ത്തി​ൽ സ്ഥാ​നം അ​ർ​ഹി​ക്കു​ന്നു.

പ​തി​റ്റാ​ണ്ടു​ക​ളാ​യി രാ​ഷ്‌​ട്രീ​യ​ത്തി​ലെ ഒ​രു ത​ർ​ക്ക​വി​ഷ​യ​മാ​ണ് വ​നി​താ സം​വ​ര​ണ ബി​ൽ. സം​വ​ര​ണ​ത്തി​ന്‍റെ കാ​ലാ​വ​ധി​യാ​യി​രു​ന്നു ത​ർ​ക്ക​ത്തി​ന്‍റെ കേ​ന്ദ്ര​ബി​ന്ദു. സം​വ​ര​ണം 15 വ​ർ​ഷ​ത്തേ​ക്ക് തു​ട​രു​മെ​ന്നും ഓ​രോ ത​വ​ണ​യും മ​ണ്ഡ​ല പു​ന​ർ​നി​ർ​ണ​യ​ത്തി​ന് ശേ​ഷം വ​നി​ത​ക​ൾ​ക്ക് സം​വ​ര​ണം ചെ​യ്യു​ന്ന സീ​റ്റു​ക​ൾ മാ​റി​മാ​റി ന​ൽ​കാ​മെ​ന്നും മോ​ദി സ​ർ​ക്കാ​ർ നി​ർ​ദേ​ശി​ച്ചു. ഇ​ത് ദീ​ർ​ഘ​കാ​ലാ​ടി​സ്‌​ഥാ​ന​ത്തി​ൽ ഗു​ണ​പ്ര​ദ​മാ​ണ്. ഇ​തി​നു വി​പ​രീ​ത​മാ​യി, കോ​ൺ​ഗ്ര​സ് പാ​ർ​ട്ടി 10 വ​ർ​ഷ​ത്തേ​ക്ക് മാ​ത്ര​മാ​യി​രു​ന്നു വ​നി​താ സം​വ​ര​ണം നി​ർ​ദേ​ശി​ച്ചി​രു​ന്ന​ത്. 10 വ​ർ​ഷ​ത്തി​നു ശേ​ഷം വ​നി​ത​ക​ളു​ടെ അ​വ​കാ​ശ​ങ്ങ​ൾ ത​ട്ടി​യെ​ടു​ക്കാ​മെ​ന്ന് അ​വ​ർ പ്ര​തീ​ക്ഷി​ച്ചു. കോ​ൺ​ഗ്ര​സി​ന്‍റെ ഈ ​ആ​ഗ്ര​ഹം യാ​ഥാ​ർ​ഥ്യ​മാ​ക്കാ​ൻ അ​നു​വ​ദി​ക്കാ​ത്ത പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യോ​ടും നി​യ​മ മ​ന്ത്രി​യോ​ടും ഞാ​ൻ ന​ന്ദി രേ​ഖ​പ്പെ​ടു​ത്തു​ന്നു.

സം​വ​ര​ണ കാ​ലാ​വ​ധി​യെ അ​ഭി​സം​ബോ​ധ​ന ചെ​യ്യു​ന്ന​തി​നു പു​റ​മേ, ചി​ല ഭ​ര​ണ​ഘ​ട​നാ വ്യ​വ​സ്ഥ​ക​ളും നി​യ​മ​പ​ര​മാ​യ വ​ശ​ങ്ങ​ളും വ്യ​ക്ത​മാ​ക്കേ​ണ്ട​തും അ​ത്യാ​വ​ശ്യ​മാ​ണ്. മ​റ്റ് പി​ന്നാ​ക്ക വി​ഭാ​ഗ​ങ്ങ​ൾ​ക്കും (OBCs) ന്യൂ​ന​പ​ക്ഷ സ​മു​ദാ​യ​ങ്ങ​ൾ​ക്കും പ്ര​ത്യേ​ക ക്വാ​ട്ട വേ​ണ​മെ​ന്ന് ചി​ല​ർ നി​ർ​ദേ​ശി​ക്കു​ക​യു​ണ്ടാ​യി. എ​ന്നാ​ൽ, മ​താ​ടി​സ്ഥാ​ന​ത്തി​ലു​ള്ള സം​വ​ര​ണം ഇ​ന്ത്യ​ൻ ഭ​ര​ണ​ഘ​ട​ന അ​നു​വ​ദി​ക്കു​ന്നി​ല്ല എ​ന്ന കാ​ര്യം നാം ​ഓ​ർ​ത്തി​രി​ക്കേ​ണ്ട​ത് പ്ര​ധാ​ന​മാ​ണ്.

വ​സ്തു​ത​ക​ൾ സൂ​ക്ഷ്മ​മാ​യി പ​രി​ശോ​ധി​ക്കാ​നും ഭ​ര​ണ​ഘ​ട​നാ​പ​ര​മാ​യ മാ​ർ​ഗ​ങ്ങ​ളി​ലൂ​ടെ വ​നി​ത​ക​ളെ ശാ​ക്തീ​ക​രി​ക്കാ​നു​ള്ള സ​ർ​ക്കാ​രി​ന്‍റെ ശ്ര​മ​ങ്ങ​ളെ തി​രി​ച്ച​റി​യാ​ൻ ഞാ​ൻ എ​ല്ലാ​വ​രോ​ടും അ​ഭ്യ​ർ​ഥി​ക്കു​ന്നു. ഭ​ര​ണ​ഘ​ട​ന​യെ​യും അ​തി​ന്‍റെ അ​ന്ത​സ്സി​നെ​യും കാ​ത്ത് സൂ​ക്ഷി​ക്കാ​നു​മു​ള്ള ന​മ്മു​ടെ പ്ര​തി​ബ​ദ്ധ​ത അ​ച​ഞ്ച​ല​മാ​യി തു​ട​രേ​ണ്ട​തു​ണ്ട്.

രാ​ഷ്‌​ട്രീ​യ പ്രാ​തി​നി​ധ്യം സ്ത്രീ ​ശാ​ക്തീ​ക​ര​ണ​ത്തി​ന്‍റെ അ​ടി​സ്ഥാ​ന വ​ശ​മാ​ണ്. രാ​ഷ്‌​ട്രീ​യ​ത്തി​ൽ വ​നി​ത​ക​ളു​ടെ പ​ങ്കാ​ളി​ത്തം വ​ർ​ധി​പ്പി​ക്കാ​ൻ മോ​ദി സ​ർ​ക്കാ​ർ ന​ട​പ​ടി​ക​ൾ സ്വീ​ക​രി​ച്ചു. മാ​ത്ര​മ​ല്ല, ഭ​ര​ണ​ത്തി​ന്‍റെ വി​വി​ധ ത​ല​ങ്ങ​ളി​ൽ സ്ത്രീ ​പ​ങ്കാ​ളി​ത്തം ഉ​റ​പ്പാ​ക്കു​ന്ന​തി​ലൂ​ടെ, തീ​രു​മാ​ന​ങ്ങ​ൾ എ​ടു​ക്കു​ന്ന പ്ര​ക്രി​യ​ക​ളി​ൽ സ്ത്രീ ​ശ​ബ്ദം ഉ​യ​ർ​ന്നു കേ​ൾ​ക്കു​ന്നു​വെ​ന്ന് മോ​ദി സ​ർ​ക്കാ​ർ ഉ​റ​പ്പാ​ക്കു​ന്നു.

ന​രേ​ന്ദ്ര മോ​ദി സ​ർ​ക്കാ​ർ ഇ​ന്ത്യ​യി​ൽ സ്ത്രീ​ശാ​ക്തീ​ക​ര​ണ​ത്തി​നു​ള്ള പ​രി​വ​ർ​ത്ത​ന യാ​ത്ര​യ്ക്ക് തു​ട​ക്കം കു​റി​ച്ചു. സ​മ​ഗ്ര​മാ​യ ന​യ​ങ്ങ​ളി​ലൂ​ടെ​യും ല​ക്ഷ്യ​വേ​ധി​യാ​യ സം​രം​ഭ​ങ്ങ​ളി​ലൂ​ടെ​യും, വി​ദ്യാ​ഭ്യാ​സം, ആ​രോ​ഗ്യ സം​ര​ക്ഷ​ണം, രാ​ഷ്‌​ട്രീ​യ പ്രാ​തി​നി​ധ്യം, സാ​മ്പ​ത്തി​ക ശാ​ക്തീ​ക​ര​ണം, ലിം​ഗ​സ​മ​ത്വം തു​ട​ങ്ങി​യ നി​ർ​ണാ​യ​ക മേ​ഖ​ല​ക​ളെ സ​ർ​ക്കാ​ർ അ​ഭി​സം​ബോ​ധ​ന ചെ​യ്തി​ട്ടു​ണ്ട്. സ്ത്രീ​ക​ളി​ൽ കൊ​ഴി​ഞ്ഞു​പോ​ക്കി​ന്‍റെ നി​ര​ക്കി​ൽ ഗ​ണ്യ​മാ​യ കു​റ​വ്, മെ​ച്ച​പ്പെ​ട്ട ആ​രോ​ഗ്യ പ​രി​ര​ക്ഷാ ല​ഭ്യ​ത, വ​ർ​ധി​ച്ച രാ​ഷ്‌​ട്രീ​യ പ്രാ​തി​നി​ധ്യം, മെ​ച്ച​പ്പെ​ട്ട സാ​മ്പ​ത്തി​ക അ​വ​സ​ര​ങ്ങ​ൾ എ​ന്നി​വ​യു​ടെ ഗു​ണ​ഫ​ല​ങ്ങ​ൾ സ്വ​യം സം​സാ​രി​ക്കു​ന്ന​വ​യാ​ണ്.

സ്ത്രീ​ക​ളു​ടെ വി​ക​സ​ന​ത്തി​നാ​യി ബ​ജ​റ്റി​ൽ വ​ക​യി​രു​ത്തി​യി​ട്ടു​ള്ള കാ​ര്യ​ങ്ങ​ൾ വി​സ്മ​രി​ക്കാ​വു​ന്ന​ത​ല്ല. വി​ഹി​ത​ത്തി​ലെ വ​ർ​ധ​ന വ​നി​ത​ക​ളു​ടെ വ​ള​ർ​ച്ച​യെ സ​ഹാ​യി​ക്കാ​നു​ള്ള ന​മ്മു​ടെ ഗ​വ​ൺ​മെ​ന്‍റി​ന്‍റെ സ​മ​ർ​പ്പ​ണ മ​നോ​ഭാ​വം പ്ര​ക​ട​മാ​ക്കു​ന്നു. പ്ര​ധാ​ന​മ​ന്ത്രി മോ​ദി​യു​ടെ നേ​തൃ​ത്വ​ത്തി​ൽ ന​ട​ന്ന ശ്ര​മ​ങ്ങ​ൾ സ്കൂ​ളു​ക​ളി​ൽ പെ​ൺ​കു​ട്ടി​ക​ളു​ടെ കൊ​ഴി​ഞ്ഞു​പോ​ക്ക് ഗ​ണ്യ​മാ​യി കു​റ​യാ​ൻ കാ​ര​ണ​മാ​യി. രാ​ഷ്‌​ട്രീ​യ​മാ​യി മാ​ത്ര​മ​ല്ല, വി​ദ്യാ​ഭ്യാ​സ​ത്തി​ലൂ​ടെ​യും സാ​മ്പ​ത്തി​ക അ​വ​സ​ര​ങ്ങ​ളി​ലൂ​ടെ​യും വ​നി​ത​ക​ളെ ശാ​ക്തീ​ക​രി​ക്കാ​നു​ള്ള ന​മ്മു​ടെ പ്ര​തി​ബ​ദ്ധ​ത​യ്ക്ക് ഇ​ത് അ​ടി​വ​ര​യി​ടു​ന്നു.

സ്ത്രീ ​ശാ​ക്തീ​ക​ര​ണ​ത്തി​ന്‍റെ പാ​ത​യി​ൽ ഇ​ന്ത്യ മു​ന്നേ​റു​മ്പോ​ൾ, ഈ ​സം​രം​ഭ​ങ്ങ​ളു​ടെ ഗു​ണ​പ​ര​മാ​യ സ്വാ​ധീ​നം തി​രി​ച്ച​റി​യു​ക​യെ​ന്ന​ത് നി​ർ​ണാ​യ​ക​മാ​ണ്. ഒ​ട്ടേ​റെ വെ​ല്ലു​വി​ളി​ക​ൾ നി​ല​നി​ൽ​ക്കു​ന്നു​ണ്ടെ​ങ്കി​ലും ലിം​ഗ​സ​മ​ത്വ​ത്തി​നും സ്ത്രീ ​ശാ​ക്തീ​ക​ര​ണ​ത്തി​നു​മു​ള്ള സ​ർ​ക്കാ​രി​ന്‍റെ അ​ച​ഞ്ച​ല​മാ​യ പ്ര​തി​ബ​ദ്ധ​ത രാ​ജ്യ​ത്തു​ട​നീ​ള​മു​ള്ള ദ​ശ​ല​ക്ഷ​ക്ക​ണ​ക്കി​ന് സ്ത്രീ​ക​ൾ​ക്ക് പ്ര​ത്യാ​ശ​യു​ടെ വെ​ളി​ച്ച​മാ​യി വ​ർ​ത്തി​ക്കു​ന്നു. വി​ദ്യാ​ഭ്യാ​സം, ആ​രോ​ഗ്യ സം​ര​ക്ഷ​ണം, രാ​ഷ്‌​ട്രീ​യ- സാ​മ്പ​ത്തി​ക അ​വ​സ​ര​ങ്ങ​ൾ എ​ന്നി​വ​യി​ലൂ​ടെ, ഇ​ന്ത്യ​യി​ലെ സ്ത്രീ​ക​ൾ ശാ​ക്തീ​ക​ര​ണ​ത്തി​ന്‍റെ ഒ​രു പു​തി​യ ദി​ശാ​ബോ​ധം നേ​രി​ട്ട് അ​നു​ഭ​വി​ക്കു​ന്നു. ഇ​ത് രാ​ജ്യ​ത്തി​ന്‍റെ വ​ള​ർ​ച്ച​യ്ക്കും വി​ക​സ​ന​ത്തി​നും സം​ഭാ​വ​ന ചെ​യ്യു​ന്നു.

ന​മ്മു​ടെ ഭ​ര​ണ​ഘ​ട​ന മാ​ഹാ​ത്മ്യ​ത്തി​ന്‍റെ വീ​ക്ഷ​ണ​കോ​ണി​ൽ നി​ന്ന് ഈ ​ബി​ല്ലി​നെ നോ​ക്കു​ക​യാ​ണെ​ങ്കി​ൽ, ല​ക്ഷ്മി ദേ​വി ഭ​ര​ണ​ഘ​ട​നാ രൂ​പം കൈ​ക്കൊ​ണ്ടി​രി​ക്കു​ന്നു​വെ​ന്ന് പ​റ​യാ​വു​ന്ന​താ​ണ്. ഇ​ത് സ്ത്രീ​ക​ളു​ടെ സാ​മ്പ​ത്തി​ക ശാ​ക്തീ​ക​ര​ണ​ത്തി​ന്‍റെ പ്ര​തീ​ക​മാ​ണ്. സ്വാ​ശ്ര​യ​ത്വ​ത്തി​ലേ​ക്കും സ്വ​യം നി​ർ​ണ​യാ​വ​കാ​ശ​ത്തി​ലേ​ക്കു​മു​ള്ള സു​പ്ര​ധാ​ന ചു​വ​ടു​വ​യ്പ്പാ​ണ്. ഈ ​ബി​ൽ ഒ​രു രാ​ഷ്‌​ട്രീ​യ ഉ​പ​ക​ര​ണ​മ​ല്ല; മ​റി​ച്ച് ന​മ്മു​ടെ രാ​ജ്യ​ത്തെ വ​നി​ത​ക​ളെ ശാ​ക്തീ​ക​രി​ക്കാ​നു​ള്ള ഒ​രു മാ​ർ​ഗ​മാ​ണ്.

പ്ര​ശ​സ്തി​ക്കോ മ​റ്റു​ള്ള​വ​രെ കു​റ്റ​പ്പെ​ടു​ത്തു​ന്ന​തി​നോ ഉ​ള്ള അ​വ​സ​ര​മ​ല്ല ഇ​തെ​ന്ന് ന​മു​ക്ക് ഉ​പ​സം​ഹ​രി​ക്കാം. വ​നി​ത​ക​ളെ ശാ​ക്തീ​ക​രി​ക്കാ​നും ജ​നാ​ധി​പ​ത്യ​ത്തെ ശ​ക്തി​പ്പെ​ടു​ത്താ​നും ഇ​ന്ത്യ​യു​ടെ ശോ​ഭ​ന​മാ​യ ഭാ​വി രൂ​പ​പ്പെ​ടു​ത്താ​നും ന​മു​ക്ക് മു​ന്നി​ലു​ള്ള ച​രി​ത്ര​പ​ര​മാ​യ അ​വ​സ​രം തി​രി​ച്ച​റി​യു​ക എ​ന്ന​താ​ണ് പ്ര​ധാ​നം. പ്ര​വ​ർ​ത്തി​ക്കാ​നു​ള്ള സ​മ​യ​മാ​ണി​ത്. "നാ​രീ ശ​ക്തി'​യെ അ​തി​ന്‍റെ യ​ഥാ​ർ​ഥ സ്വ​രൂ​പ​ത്തി​ൽ പി​ന്തു​ണ​യ്ക്കാ​നും ന​മ്മു​ടെ വാ​ക്കു​ക​ളെ പ്ര​വൃ​ത്തി​പ​ഥ​ത്തി​ലെ​ത്തി​ക്കാ​നും ഞാ​ൻ ഓ​രോ​രു​ത്ത​രോ​ടും അ​ഭ്യ​ർ​ഥി​ക്കു​ന്നു.