ചാലക്കുടി: സംസ്ഥാന കായിക മേള ദീപശിഖ പ്രയാണത്തിന് ചാലക്കുടിയിൽ ആവേശകരമായ സ്വീകരണം. ഒളിമ്പിക്സ് മാതൃകയിൽ ലോകചരിത്രത്തിൽ ആദ്യമായിനടക്കുന്ന സംസ്ഥാന സ്കൂൾ കായികമേളയുടെ ദീപശിഖ ചാലക്കുടി കാർമൽ ഹൈസ്കൂളിൽ ഏഷ്യൻ ചാമ്പ്യൻഷിപ് ടെന്നീസ് ടൂർണമെന്‍റ് ജേതാവ് ഷാരോൺ വി. തോമസും, ഭിന്നശേഷി വിദ്യാർഥി ആന്‍റോ പോളും ചേർന്ന് സ്വീകരിച്ചു.
തുടർന്ന് നടന്ന യോഗത്തിൽ ജില്ല ഡെപ്യൂട്ടി ഡയറക്ടർ എ.കെ. അജിതകുമാരി അധ്യക്ഷത വഹിച്ച യോഗത്തിൽ അക്കാദമിക് ജോയിന്‍റ് ഡയറക്ടർ ജാഥ ക്യാപ്റ്റൻ എ. അബൂബക്കർ ഉദ്ഘാടനം നിർവഹിച്ചു. ചാലക്കുടി ഉപജില്ല വിദ്യാഭ്യാസം ഓഫീസർ നിഷാ പി.ബി. ഏവരെയും സ്വാഗതം ചെയ്തു.
ജില്ല വിദ്യാഭ്യാസ ഓഫീസർ ഷൈല നന്ദി പറഞ്ഞു. സുരേഷ് കെ.കെ. മാള എഇഒ, നിഷ പി.ബി. ഇരിഞ്ഞാലക്കുട എഇഒ, മൊയ്‌ദീൻ കൊടുങ്ങല്ലൂർ എഇഒ, എ.എസ്. മിഥുൻ ജില്ലാ സ്പോട്സ് കോഡിനേറ്റർ, കെ.കെ. മൊയ്‌ദീൻ ജില്ല സ്പോട്സ് സെക്രട്ടറി, ചാലക്കുടി ഉപജില്ല എച്ച്എം ഫോറം കൺവീനർ റാണി ജോൺ, ഇരിഞ്ഞാലക്കുട വിദ്യാഭ്യാസ ജില്ല എച്ച്എം ഫോറം കൺവീനർ ലത ടി.കെ.,അസീന പി.ബി. മാള എച്ച്എം ഫോറം കൺവീനർ ജോസ്, കൊടുങ്ങല്ലൂർ എച്ച്എം ഫോറം കൺവീനർ നൗഷാദ്, കാർമൽ പ്രിൻസിപ്പൽ ഫാ. ജോസ് താണിക്കൽ എന്നിവർ സംസാരിച്ചു.