പ്രണയ സാഫല്യത്തിനായി ഏത് അറ്റം വരേയും പോകും എന്ന് പറയാറുണ്ട്. ബിഹാറിൽ രഹസ്യമായി കാമുകനെ കാണുന്നതിനായി ഒരു ഗ്രാമത്തിലെ മുഴുവന്‍ വൈദ്യുതിയും വിഛേദിച്ചിരിക്കുകയാണ് യുവതി. ബീഹാറിലെ ബെട്ടിയ ഗ്രാമത്തിലാണ് ഗ്രാമവാസികളുടെ കണ്ണുവെട്ടിച്ച് കാമുകനെ കാണുന്നതിനായി യുവതി ഈ കൊടുംകൈ ചെയ്തത്.
എന്നാൽ ഇരുവരേയും ഗ്രാമവാസികൾ കൈയോടെ പിടികൂടിയതോടെയാണ് പുറംലോകം ഈ സംഭവമറിയുന്നത്. വൈദ്യുതി വിച്ഛേദിച്ചതിന്‍റെ അരിശത്തിൽ നാട്ടുകാർ യുവാവിനെ ബൈൽറ്റുകൊണ്ട് അടിക്കുന്നതിന്‍റെ ദൃശ്യങ്ങളും പുറത്തുവന്നു. വീഡിയോ പുറത്തുവന്നതിനു പിന്നാലെ സംഭവത്തിൽ 3 പേരെ പൊലീസ് കസ്റ്റഡിയിലെടുത്തു. അതേസമയം, വീട്ടുകാരുടെ സമ്മതത്തോടെ ഇരുവരുടേയും വിവാഹം ഉടന്‍ നടത്താന്‍ തീരുമാനിച്ചുവെന്നും ബന്ധുക്കൾ പറയുന്നു.