MV Desk
46കാരനായ ഡോണൾഡ് ട്രംപ് ജൂനിയർ മുതൽ 18 വയസുള്ള ബാരൺ വരെയുള്ള അഞ്ച് മക്കളാണ് ട്രംപിനുള്ളത്. മൂത്ത മക്കളായ ഡോണൾഡ് ട്രംപ് ജൂനിയർ, ഇവാങ്ക, എറിക്, എന്നിവർ ആദ്യഭാര്യ ഇവാനയിൽ പിറന്നവരാണ്. രണ്ടാം ഭാര്യ മാർള മേപ്പിൾസിന്‍റെ മകളാണ് ടിഫാനി. മൂന്നാം ഭാര്യയായ മെലാനിയയുടെ മകനാണ് ബാരൺ.
ഡോണൾഡ് ട്രംപ് ജൂനിയർ
ട്രംപിന്‍റെ ഏറ്റവും മുതിർന്ന മകനാണ് ഡോണൾഡ് ട്രംപ് ജൂനിയർ. 46കാരനായ ട്രംപ് ജൂനിയറാണ് ട്രംപ് ഓർഗനൈസേഷന്‍റെ എക്സിക്യൂട്ടീവ് വൈസ് പ്രസിഡന്‍റ്.
ഇവാങ്ക ട്രംപ്
ട്രംപ് കുടുംബത്തിലെ ഏറ്റവും പോപ്പുലറായ വ്യക്തിയാണ് ഇവാങ്ക ട്രംപ്. ട്രംപിന് പ്രിയപ്പെട്ട മകൾ മാധ്യമങ്ങളുടെയും ഇഷ്ട വിഷയമാണ്. അന്താരാഷ്ട്ര ബിസിനസ് കാര്യങ്ങളിൽ 43കാരിയായ ഇവാങ്ക സജീവമാണ്. ട്രംപ് അഡ്മിനിസ്ട്രേഷനിലെ ഏറ്റവും സജീവമായ അംഗവും ഇവാങ്കയാണ്.
എറിക് ട്രംപ്
മറ്റു സഹോദരങ്ങളെ അപേക്ഷിച്ച് സെലിബ്രിറ്റി സ്റ്റാറ്റസിൽ പുറകിലാണ് എറിക്. എങ്കിലും ബിസിനസ് കാര്യങ്ങളിൽ ട്രംപിന്‍റെ പാരമ്പര്യം പിന്തുടരുന്നതിൽ 40കാരനായ എറിക് മാറ്റമൊന്നും വരുത്താറില്ല.
ടിഫാനി ട്രംപ്
ഇളയ മകളായ ടിഫാനിയും മാധ്യമങ്ങൾ ആഘോഷിക്കുന്ന സെലിബ്രിറ്റിയാണ്. 31കാരിയായ ടിഫാനി ഗർഭിണിയാണെന്ന് പ്രഖ്യാപിച്ചത് വലിയ ശ്രദ്ധ പിടിച്ചു പറ്റിയിരുന്നു. രാഷ്ട്രീയത്തിലേക്ക് അത്ര സജീവമായി ഇറങ്ങാറില്ലെങ്കിലും അന്താരാഷ്ട്ര തലത്തിലുള്ള ബന്ധങ്ങളിലൂടെ ടിഫാനി പ്രാധാന്യം നേടാറുണ്ട്. മിഷേൽ ബോലോസ് ആണ് ടിഫാനിയുടെ ഭർത്താവ്. കുടുംബവുമായി ബന്ധപ്പെട്ട വിഷയങ്ങളിലും സാമൂഹ്യ ഇവന്‍റുകളിലുമാണ് ടിറാനി ശ്രദ്ധ ചെലുത്താറുള്ളത്.
ബാരൺ ട്രംപ്
18കാരനായ ബാരനാണ് ട്രംപിന്‍റെ ഇളയ മകൻ. സെലിബ്രിറ്റി സ്റ്റാറ്റസിലേക്ക് എത്തിയില്ലെങ്കിലും ബാരണും ട്രംപ് ബ്രാൻഡ് വിശാലമാക്കുന്നതിൽ വലിയ പങ്കു വഹിക്കുമെന്നതിൽ സംശയമില്ല.