![വില്പ്പനയില് ഒന്നാമൻ ഒല ഇലക്ട്രിക്](http://media.assettype.com/metrovaartha%2F2023-05%2F5d9ad83a-908b-4bf4-833b-283ddf655357%2Fola.jpg?w=480&auto=format%2Ccompress&fit=max)
കൊച്ചി: രാജ്യത്തെ ഇലക്ട്രിക് സ്കൂട്ടര് വില്പ്പനയിൽ ഒന്നാമനായി ഒല ഇലക്ട്രിക്. 2023 ഏപ്രില് മാസത്തിലെ കണക്കുകള് പ്രകാരമാണിത്. ഫെഡറേഷന് ഒഫ് ഓട്ടൊമൊബൈല് ഡീലേഴ്സ് അസോസിയേഷന് (എഫ്എഡിഎ) പുറത്തുവിട്ട റിപ്പോര്ട്ട് പ്രകാരം 21882 യൂണിറ്റ് ഒല ടൂ വീലര് ഏപ്രിലില് വിറ്റഴിച്ചു. 2022 ഏപ്രിലില് ഇത് 12,708 യൂണിറ്റായിരുന്നു.
റിപ്പോര്ട്ട് പ്രകാരം ടിവിഎസ് മോട്ടോഴ്സ് വില്പ്പനയില് രണ്ടാം സ്ഥാനത്തായിരുന്നു. 2023 ഏപ്രിലില് കമ്പനി ഐക്യൂബ് സ്കൂട്ടറിന്റെ 8,318 യൂണിറ്റുകള് വിറ്റു. 2022 ഏപ്രിലില് കമ്പനി 1,498 യൂണിറ്റുകള് വിറ്റ സ്ഥാനത്താണ് ഈ വളര്ച്ച.
ആംപിയര് ഇവി ആണ് വില്പ്പനയില് മൂന്നാം സ്ഥാനത്ത്. കഴിഞ്ഞ മാസം കമ്പനി 8,318 യൂണിറ്റുകള് വിറ്റു. അതേസമയം 2022ല് ഈ കാലയളവില് ഇത് 6,540 യൂണിറ്റായിരുന്നു. ഏഥര് എനര്ജി 7,746 ഇലക്ട്രിക് സ്കൂട്ടറുകളും ബജാജ് ഓട്ടൊ 4,013 യൂണിറ്റുകളും ഹീറോ ഇലക്ട്രിക് 3,331 യൂണിറ്റുകളും ഏപ്രിലില് വിറ്റു.