സ്വർണ നിക്ഷേപകരുടെ ആവേശം ചോരുന്നു

കൊ​ച്ചി: നാ​ണ​യ​പ്പെ​രു​പ്പം നി​യ​ന്ത്ര​ണ വി​ധേ​യ​മാ​കാ​ത്ത​തി​നാ​ൽ പ​ലി​ശ വ​ർ​ധ​ന ന​ട​പ​ടി​ക​ൾ അ​മെ​രി​ക്ക​യി​ലെ ഫെ​ഡ​റ​ൽ റി​സ​ർ​വ് തു​ട​രു​മെ​ന്ന സൂ​ച​ന സ്വ​ർ​ണ നി​ക്ഷേ​പ​ക​രു​ടെ ആ​വേ​ശം ചോ​ർ​ത്തു​ന്നു. ലോ​ക​ത്തി​ലെ പ്ര​മു​ഖ നാ​ണ​യ​ങ്ങ​ൾ​ക്കെ​തി​രേ ഡോ​ള​ർ തു​ട​ർ​ച്ച​യാ​യി ശ​ക്തി​യാ​ർ​ജി​ച്ച​തോ​ടെ കഴിഞ്ഞ വാരാന്ത്യത്തിൽ രാ​ജ്യാ​ന്ത​ര വി​പ​ണി​യി​ൽ സ്വ​ർ​ണ​വി​ല മൂ​ന്നു മാ​സ​ത്തി​നി​ട​യി​ലെ ഏ​റ്റ​വും താ​ഴ്ന്ന നി​ര​ക്കി​ലെ​ത്തി.

അ​തേ​സ​മ​യം റ​ഷ്യ​യി​ലെ ഭ​ര​ണ​കൂ​ട​ത്തി​നെ​തി​രേ അ​ട്ടി​മ​റി നീ​ക്കം ശ​ക്ത​മാ​യ​തി​നാ​ൽ സു​ര​ക്ഷി​ത നി​ക്ഷേ​പ​മെ​ന്ന നി​ല​യി​ൽ സ്വ​ർ​ണ​ത്തി​ന് ആ​വ​ശ്യ​മേ​റാ​ൻ സാ​ധ്യ​ത തെ​ളി​യു​ക​യാ​ണ്. രാ​ജ്യാ​ന്ത​ര ജി​യോ പൊ​ളി​റ്റി​ക്ക​ൽ സം​ഘ​ർ​ഷ​ങ്ങ​ൾ ശ​ക്ത​മാ​യാ​ൽ അ​ടു​ത്ത ആ​ഴ്ച സ്വ​ർ​ണ വി​ല​യി​ൽ വീ​ണ്ടും മു​ന്നേ​റ്റ​മു​ണ്ടാ​കാ​ൻ സാ​ധ്യ​ത​യേ​റെ​യാ​ണ്. രാ​ഷ്‌​ട്രീ​യ സം​ഘ​ർ​ഷ​ങ്ങ​ളു​ടെ ചു​വ​ട് പി​ടി​ച്ചാ​ണു വി​പ​ണി​യി​ൽ വ​രും ദി​വ​സ​ങ്ങ​ളി​ൽ ച​ല​ന​ങ്ങ​ൾ ദൃ​ശ്യ​മാ​കു​ക​യെ​ന്ന് അ​ന​ലി​സ്റ്റു​ക​ൾ പ​റ​യു​ന്നു.

ക​ഴി​ഞ്ഞ ദി​വ​സം ബ്രി​ട്ട​നി​ലെ കേ​ന്ദ്ര ബാ​ങ്കാ​യ ബാ​ങ്ക് ഒ​ഫ് ഇം​ഗ്ല​ണ്ട് മു​ഖ്യ പ​ലി​ശ നി​ര​ക്ക് വീ​ണ്ടും അ​ര ശ​ത​മാ​ന​മാ​യി ഉ​യ​ർ​ത്തി​യി​രു​ന്നു. ഇ​തോ​ടെ അ​വി​ടു​ത്തെ പ​ലി​ശ നി​ര​ക്ക് ച​രി​ത്ര​ത്തി​ലെ​യും ഏ​റ്റ​വും ഉ​യ​ർ​ന്ന നി​ര​ക്കി​ലെ​ത്തി. ബാ​ങ്ക് ഒ​ഫ് ഇം​ഗ്ല​ണ്ടി​നു പി​ന്നാ​ലെ ഫെ​ഡ​റ​ൽ റി​സ​ർ​വും യൂ​റോ​പ്യ​ൻ സെ​ൻ​ട്ര​ൽ ബാ​ങ്കും പ​ലി​ശ നി​ര​ക്ക് വീ​ണ്ടും ഉ​യ​ർ​ത്തു​മെ​ന്ന ആ​ശ​ങ്ക​യി​ൽ ക​ഴി​ഞ്ഞ വാ​രം വ​ൻ​കി​ട നി​ക്ഷേ​പ​ക​ർ സ്വ​ർ​ണ​ത്തി​ൽ വി​ൽ​പ്പ​ന സ​മ്മ​ർ​ദ്ദം ശ​ക്ത​മാ​ക്കി. നി​ല​വി​ൽ നി​ക്ഷേ​പ​ക​രു​ടെ ഏ​റ്റ​വും പ്രി​യ​പ്പെ​ട്ട ആ​സ്തി​യാ​യി അ​മെ​രി​ക്ക​ൻ ഡോ​ള​ർ മാ​റു​ക​യാ​ണ്. ലോ​ക​ത്തി​ലെ പ്ര​മു​ഖ നാ​ണ​യ​ങ്ങ​ൾ​ക്കെ​തി​രേ ഡോ​ള​ർ അ​സാ​ധാ​ര​ണ​മാ​യി ശ​ക്തി​യാ​ർ​ജി​ച്ച​തോ​ടെ ക്രൂ​ഡോ​യി​ൽ, സി​ൽ​വ​ർ വി​പ​ണി​ക​ളും ക​ന​ത്ത വി​ൽ​പ്പ​ന സ​മ്മ​ർ​ദം നേ​രി​ടു​ക​യാ​ണ്.

ഇ​ന്ന​ലെ രാ​ജ്യാ​ന്ത​ര വി​പ​ണി​യി​ൽ സ്വ​ർ​ണ വി​ല ഔ​ൺ​സി​ന് 1935 ഡോ​ള​റി​ലാ​ണ് വ്യാ​പാ​രം ന​ട​ത്തു​ന്ന​ത്.

ക​ഴി​ഞ്ഞ മൂ​ന്നു ദി​വ​സ​ങ്ങ​ളാ​യി കേ​ര​ള​ത്തി​ലും സ്വ​ർ​ണ വി​ല താ​ഴേ​ക്കു നീ​ങ്ങു​ക​യാ​ണ്. ഇ​ന്ന​ലെ സ്വ​ർ​ണം പ​വ​ൻ വി​ല 160 രൂ​പ കു​റ​ഞ്ഞ് 43,600 രൂ​പ​യി​ലെ​ത്തി. മൂ​ന്ന് ദി​വ​സ​ത്തി​നി​ടെ സ്വ​ർ​ണ വി​ല പ​വ​ന് 480 രൂ​പ​യാ​ണു കു​റ​ഞ്ഞ​ത്. ഒ​രു മാ​സ​ത്തി​നി​ടെ സ്വ​ർ​ണ​ത്തി​ന് ആ​റ് ശ​ത​മാ​നം വി​ല​യി​ടി​വു​ണ്ടാ​യി. രാ​ജ്യാ​ന്ത​ര വി​പ​ണി​യി​ലെ ച​ല​ന​ങ്ങ​ൾ ക​ണ​ക്കി​ലെ​ടു​ത്തു നി​ക്ഷേ​പ​ക​ർ സ്വ​ർ​ണ​ത്തി​ൽ നി​ന്നും പ​ണം പി​ൻ​വ​ലി​ച്ച് ഓ​ഹ​രി, നാ​ണ​യ വി​പ​ണി​ക​ളി​ൽ മു​ട​ക്കു​ക​യാ​ണെ​ന്ന് ധ​ന​കാ​ര്യ വി​ദ​ഗ്‌​ധ​ർ പ​റ​യു​ന്നു.