കൊച്ചി: സംസ്ഥാനത്ത് 45,000 വും കടന്ന് സ്വർണവിലയിൽ കുതിപ്പ് തുടരുന്നു. ഇന്ന് (21/10/2023) 160 രൂപ വർധിച്ച് ഒരു പവന് സ്വർണത്തിന്‍റെ വില 45,280 രൂപയായി. ഗ്രാമിന് 20 രൂപയാണ് വർധിച്ചത്. 5660 രൂപയാണ് ഒരു ഗ്രാം സ്വർണത്തിന്‍റെ ഇന്നതെ വില.
ഈ മാസത്തെ ഏറ്റവും ഉയർന്ന നിലവാരമാണിത്. ഇന്നലെ പവന് 560 രൂപ കൂടി 45,120 രൂപയായിരുന്നു.ഈ മാസത്തിന്‍റെ തുടക്കത്തിൽ 42,680 ൽ എത്തിയ സ്വർണവില പിന്നീട് ഈ മാസത്തെ ഇറ്റവും താഴ്ന്ന നിലവാരത്തിൽ എത്തിയിരുന്നു.
പിന്നീട് ശനിയാഴ്ച ഒരു ദിനം മാത്രം 44,320 ലേക്ക് വർധിച്ച വില വീണ്ടും കുറഞ്ഞു. എന്നാൽ ഈ ബുധനാഴ്ച മുതൽ വീണ്ടും വില ഉയരുന്നതായാണ് ദൃശ്യമായത്.
