കൊച്ചി: വീണ്ടും റെക്കോഡിട്ട് സ്വർണവില. ചരിത്രത്തിലാദ്യമായി പവന് 59,000 രൂപയായി. ഇന്ന് ഒറ്റയടിക്ക് പവന് 480 രൂപയാണ് വർധിച്ചത്. ഗ്രാമിന് 7,375 രൂപയായി.
ഡോളറിന്‍റെ മൂല്യം വർധിച്ചതാണ് ഇപ്പോഴത്തെ വില വർധനയുടെ കാരണം. ഒക്ടോബർ 16-നായിരുന്നു സംസ്ഥാനത്ത് ചരിത്രത്തിലാദ്യമായി സ്വര്‍ണവില 57,000 കടന്നത്. പിന്നീടുള്ള ദിവസങ്ങളിലും സ്വര്‍ണവില കുതിച്ചുയർന്ന് പുത്തന്‍ റെക്കോർഡുകളുണ്ടാക്കി. തൊട്ടു പിന്നാലെ ഒക്ടോബർ 19 ന് ആദ്യമായി സ്വര്‍ണവില 58000 കടന്നത്.
