![gold price](http://media.assettype.com/metrovaartha%2F2023-09%2F6bb856ed-22e1-4108-850f-290ede0ea3a3%2Fgold_price.jpg?w=480&auto=format%2Ccompress&fit=max)
കൊച്ചി: സംസ്ഥാനത്ത് റെക്കോര്ഡുകള് തിരുത്തി സ്വര്ണവില. പവന് ഇന്ന് ഒറ്റയടിക്ക് 400 രൂപയുടെ വർധനവാണ് ഉണ്ടായത് . ഇതോടെ ഒരു പവൻ സ്വർണത്തിന്റെ വില 48,600 രൂപയിലെത്തി. വരും ദിവസങ്ങളിലും സ്വർണ വില കുതിച്ചുയരുമെന്നാണ് റിപ്പോർട്ടുകൾ.
ഗ്രാമിന് 50 രൂപയാണ് ഉയര്ന്നത്. 6075 രൂപയാണ് ഒരു ഗ്രാം സ്വര്ണത്തിന്റെ വില. കഴിഞ്ഞ മാസം 15ന് 45,520 രൂപയായി താഴ്ന്ന് ആ മാസത്തെ ഏറ്റവും താഴ്ന്ന നിലവാരത്തിലേക്ക് ഇടിഞ്ഞ ശേഷം സ്വര്ണവില തിരിച്ചുകയറുന്നതാണ് കണ്ടത്. മൂന്നാഴ്ചയ്ക്കിടെ 3,000 രൂപയിലധികമാണ് ഉയര്ന്നത്.