ആർമി പ്ലസ് ടു ടെക്നിക്കൽ എൻട്രി സ്കീം (പെർമനന്‍റ് കമ്മീഷൻ) 53-ാം കോഴ്സിലേക്ക് അപേക്ഷ ക്ഷണിച്ചു. 90 ഒഴിവ്. അവിവാഹിതരായ ആൺകുട്ടികൾക്കാണ് അവസരം. 2025 ജൂലൈയിൽ കോഴ്‌സ് ആരംഭിക്കും. ഓൺലൈൻ വഴി നവംബർ 13 വരെ അപേക്ഷിക്കാം.
യോഗ്യത: ഫിസിക്സ്, കെമിസ്ട്രി, മാത്സ് പഠിച്ച് 60ശതമാനം മാർക്കോടെ പ്ലസ് ടു ജയം/തത്തുല്യം. അപേക്ഷകർ ജെഇഇ (മെയിൻസ്) 2024 എഴുതിയവരാകണം. പ്രായം: 2006 ജനുവരി രണ്ടിനു മുന്പും 2009 ജനുവരി ഒന്നിനു ശേഷവും ജനിച്ചവരാകരുത് (രണ്ടു തീയതിയും ഉൾപ്പെടെ).
പരിശീലനം: 4 വർഷം. പൂർത്തിയാക്കുന്നവർക്ക് എൻജിനിയറിങ് ബിരുദം ലഭിക്കും. പരിശീലനത്തിനുശേഷം ലഫ്റ്റ്നന്‍റ് റാങ്കിൽ നിയമനം. തെരഞ്ഞെടുപ്പ്: ഷോർട്ട് ലിസ്റ്റ് ചെയ്യപ്പെടുന്നവരെ എസ്എസ്ബി ഇന്‍റർവ്യൂവിനു ക്ഷണിക്കും. രണ്ടുഘട്ടങ്ങളായി 5 ദിവസമാണ് ഇന്‍റർവ്യൂ. വൈദ്യപരിശോധനയും ഉണ്ടാകും.
www.joinindianarmy.nic.in എന്ന വെബ്സൈറ്റ് വഴി ഓൺലൈനിൽ അപേക്ഷ സമർപ്പിക്കാം.
