ഇന്ത്യൻ റെയിൽവേയിൽ നോൺ ടെക്നിക്കൽ പോപ്പുലർ കാറ്റഗറിയിലെ (എൻടിപിസി) ഒഴിവുകളിലേക്കുള്ള തെരഞ്ഞെടുപ്പിന്‍റെ അപേക്ഷാസമർപ്പണം ആരംഭിച്ചു.
തിരുവനന്തപുരം റെയിൽവേ റിക്രൂട്ട്മെന്‍റ് ബോർഡിന് (ആർ ആർബി) കീഴിൽ ആകെ 286 ഒഴിവാണുള്ളത് (ബിരുദം യോഗ്യതയായ തസ്തികകളിൽ 174, പ്ലസ്ടു യോഗ്യതയായ തസ്തികകളിൽ 112).
രാജ്യത്തെ എല്ലാ ആർആർബികളിലുമായി ആകെ 11,558 ഒഴിവാണുള്ളത്. ബിരുദം യോഗ്യതയായ തസ്തികകളിലേക്കുള്ള അപേക്ഷ ഒക്റ്റോബർ 13 വരെയും പ്ലസ്ടു യോഗ്യതയായ തസ്തികകളിലേക്കുള്ള അപേക്ഷ ഒക്റ്റോബർ 20 വരെയും നൽകാം.
ഒരാൾ ഏതെങ്കിലും ഒരു ആർആർബിയിലേക്കേ അപേക്ഷിക്കാവൂ. വിശദവിവരങ്ങളടങ്ങിയ വിജ്ഞാപനം (നമ്പർ 05/2024, നമ്പർ 6/2024 ) എല്ലാ ആർആർബികളുടെയും വെബ്സൈറ്റിൽ ലഭ്യമാണ്.
