നീ​തി ല​ഭി​ക്ക​ട്ടെ, കാ​യി​ക താ​ര​ങ്ങ​ൾ​ക്ക്

രാജ്യ​ത്തെ ഗു​സ്തി താ​ര​ങ്ങ​ളു​ടെ പ്ര​തി​ഷേ​ധ​ത്തി​നു ഫ​ല​മു​ണ്ടാ​വു​മെ​ന്ന പ്ര​തീ​ക്ഷ ന​ൽ​കി​ക്കൊ​ണ്ട് ദേ​ശീ​യ ഗു​സ്തി ഫെ​ഡ​റേ​ഷ​ന്‍റെ പു​തി​യ ഭ​ര​ണ സ​മി​തി​യെ കേ​ന്ദ്ര കാ​യി​ക മ​ന്ത്രാ​ല​യം സ​സ്പെ​ൻ​ഡ് ചെ​യ്തി​രി​ക്കു​ക​യാ​ണ്. ലൈം​ഗി​കാ​രോ​പ​ണം നേ​രി​ടു​ന്ന ഗു​സ്തി ഫെ​ഡ​റേ​ഷ​ൻ മു​ൻ പ്ര​സി​ഡ​ന്‍റ് ബ്രി​ജ്ഭൂ​ഷ​ൺ ശ​ര​ൺ സി​ങ്ങി​ന്‍റെ അ​ടു​ത്ത അ​നു​യാ​യി സ​ഞ്ജ​യ് സി​ങ് പ്ര​സി​ഡ​ന്‍റാ​യു​ള്ള പു​തി​യ ഭ​ര​ണ സ​മി​തി​യാ​ണ് അ​ടു​ത്തി​ടെ തെ​ര​ഞ്ഞെ​ടു​ക്ക​പ്പെ​ട്ട​ത്. ഇ​തോ​ടെ, ഫെ​ഡ​റേ​ഷ​ൻ ബ്രി​ജ്ഭൂ​ഷ​ന്‍റെ പൂ​ർ​ണ നി​യ​ന്ത്ര​ണ​ത്തി​ൽ ത​ന്നെ തു​ട​രാ​നു​ള്ള സാ​ഹ​ച​ര്യ​മൊ​രു​ങ്ങി. തു​ട​ർ​ന്നാ​ണ് ബ്രി​ജ്ഭൂ​ഷ​നെ​തി​രാ​യ സ​മ​ര​ത്തി​നു മു​ന്നി​ലു​ണ്ടാ​യി​രു​ന്ന കാ​യി​ക താ​ര​ങ്ങ​ൾ പ്ര​തി​ഷേ​ധ​വു​മാ​യി രം​ഗ​ത്തി​റ​ങ്ങി​യ​ത്. ഒ​ളിം​പി​ക് മെ​ഡ​ൽ ജേ​താ​വാ​യ ഗു​സ്തി താ​രം സാ​ക്ഷി മാ​ലി​ക് ക​രി​യ​ർ അ​വ​സാ​നി​പ്പി​ക്കു​ന്ന​താ​യി പ്ര​ഖ്യാ​പി​ച്ച​ത് മാ​ധ്യ​മ​ങ്ങ​ൾ​ക്കു മു​ന്നി​ൽ പൊ​ട്ടി​ക്ക​ര​ഞ്ഞു​കൊ​ണ്ടാ​ണ്. വ​നി​താ ഗു​സ്തി​ക്കാ​ർ​ക്കെ​തി​രാ​യ പീ​ഡ​നം തു​ട​രു​മെ​ന്നും ഇ​ന്ത്യ​ൻ ഗു​സ്തി​യു​ടെ ഭാ​വി ഇ​രു​ളി​ലാ​ണെ​ന്നും ആ​ശ​ങ്ക​പ്പെ​ട്ടും നീ​തി നി​ഷേ​ധി​ക്ക​പ്പെ​ട്ടു​വെ​ന്ന് പ​രാ​തി​പ്പെ​ട്ടും സാ​ക്ഷി ബൂ​ട്ട​ഴി​ച്ചു മേ​ശ​പ്പു​റ​ത്തു​വ​ച്ച​തു വി​കാ​ര​നി​ർ​ഭ​ര​മാ​യ നി​മി​ഷ​മാ​യി.

ഇ​തി​നു പി​ന്നാ​ലെ​യാ​ണ് മ​റ്റൊ​രു ഒ​ളിം​പി​ക്സ് മെ​ഡ​ൽ ജേ​താ​വ് ബ​ജ്റം​ഗ് പൂ​നി​യ ത​നി​ക്കു ല​ഭി​ച്ച പ​ദ്മ​ശ്രീ പു​ര​സ്കാ​രം തി​രി​ച്ചു ന​ൽ​കി​യ​ത്. പ്ര​ധാ​ന​മ​ന്ത്രി​യു​ടെ വ​സ​തി​ക്കു മു​ന്നി​ലാ​ണ് ബ​ജ്റം​ഗ് പ​ദ്മ​ശ്രീ ഉ​പേ​ക്ഷി​ച്ച​ത്. ബി​ജെ​പി എം​പി കൂ​ടി​യാ​യ ബ്രി​ജ്ഭൂ​ഷ​നെ​തി​രേ ശ​ക്ത​മാ​യ ന​ട​പ​ടി​യെ​ടു​ക്കു​മെ​ന്നു സ​ർ​ക്കാ​ർ നേ​ര​ത്തേ സ​മ​രം ചെ​യ്ത താ​ര​ങ്ങ​ൾ​ക്ക് ഉ​റ​പ്പു​ന​ൽ​കി​യി​രു​ന്നു. ഈ ​ഉ​റ​പ്പ് വി​ശ്വ​സി​ച്ചാ​ണ് അ​വ​ർ സ​മ​ര​ത്തി​ൽ നി​ന്നു പി​ന്മാ​റി​യ​ത്. എ​ന്നാ​ൽ, പി​ന്നെ​യും ബ്രി​ജ്ഭൂ​ഷ​ന് അ​നു​കൂ​ല​മാ​യി തീ​രു​മാ​ന​ങ്ങ​ൾ ഉ​ണ്ടാ​വു​ക​യാ​ണ്. മു​ൻ പ്ര​സി​ഡ​ന്‍റി​നെ​തി​രേ മൊ​ഴി ന​ൽ​കി​യ 19 വ​നി​താ താ​ര​ങ്ങ​ളി​ൽ 12 പേ​രെ ഭീ​ഷ​ണി​പ്പെ​ടു​ത്തി പ​രാ​തി പി​ൻ​വ​ലി​പ്പി​ച്ചു- ബ​ജ്റം​ഗ് പ്ര​ധാ​ന​മ​ന്ത്രി​ക്കു​ള്ള ക​ത്തി​ൽ ആ​രോ​പി​ക്കു​ന്ന​ത് ഇ​ങ്ങ​നെ​യാ​ണ്.

പു​തി​യ ഭ​ര​ണ സ​മി​തി​ക്കെ​തി​രാ​യ പ്ര​തി​ഷേ​ധ​മെ​ന്ന നി​ല​യി​ൽ പ​ദ്മ​ശ്രീ ഉ​പേ​ക്ഷി​ക്കു​മെ​ന്ന് മു​ൻ ഗു​സ്തി താ​രം വീ​രേ​ന്ദ​ർ സി​ങ്ങും പ്ര​ഖ്യാ​പി​ച്ചി​രു​ന്നു. ഒ​ളിം​പി​ക് മെ​ഡ​ൽ ജേ​താ​വി​നു ല​ഭി​ക്കാ​ത്ത നീ​തി മ​റ്റു​ള്ള​വ​ർ​ക്കു ല​ഭി​ക്കു​മെ​ന്നു ക​രു​താ​നാ​വു​മോ എ​ന്നാ​ണു വീ​രേ​ന്ദ​ർ ചോ​ദി​ച്ച​ത്. കൂ​ടു​ത​ൽ താ​ര​ങ്ങ​ൾ ഇ​ത്ത​ര​ത്തി​ലു​ള്ള പ്ര​തി​ഷേ​ധ​ത്തി​നൊ​രു​ങ്ങു​ന്നു​വെ​ന്നു സൂ​ച​ന ല​ഭി​ച്ച​തോ​ടെ​യാ​ണ് കാ​യി​ക മ​ന്ത്രാ​ല​യം പു​തി​യ ഭ​ര​ണ സ​മി​തി​യെ സ​സ്പെ​ൻ​ഡ് ചെ​യ്യാ​നു​ള്ള തീ​രു​മാ​ന​മെ​ടു​ത്ത​തെ​ന്നു റി​പ്പോ​ർ​ട്ടു​ക​ളു​ണ്ട്. ബ്രി​ജ്ഭൂ​ഷ​ന്‍റെ ബ​ന്ധു​ക്ക​ളെ​യോ സ​ഹാ​യി​ക​ളെ​യോ തെ​ര​ഞ്ഞെ​ടു​പ്പി​ൽ മ​ത്സ​രി​ക്കാ​ൻ അ​നു​വ​ദി​ക്കി​ല്ലെ​ന്ന് കാ​യി​ക മ​ന്ത്രാ​ല​യം ത​ങ്ങ​ൾ​ക്ക് ഉ​റ​പ്പു ന​ൽ​കി​യ​താ​ണെ​ന്നു താ​ര​ങ്ങ​ൾ പ​റ​യു​ന്നു. എ​ന്നാ​ൽ, ബ്രി​ജ്ഭൂ​ഷ​ന്‍റെ അ​ടു​ത്ത അ​നു​യാ​യി​യാ​യ സ​ഞ്ജ​യ് സി​ങ്ങി​ന്‍റെ സ്ഥാ​നാ​ർ​ഥി​ത്വം ത​ട​ഞ്ഞി​ല്ല. ത​ന്‍റെ പ​രി​പൂ​ർ​ണ നി​യ​ന്ത്ര​ണ​ത്തി​ലാ​ണു പു​തി​യ ഭ​ര​ണ​സ​മി​തി​യെ​ന്ന് ബ്രി​ജ്ഭൂ​ഷ​ൻ ഉ​റ​പ്പാ​ക്കി​യെ​ന്നാ​ണു താ​ര​ങ്ങ​ൾ ആ​ക്ഷേ​പി​ക്കു​ന്ന​ത്.

ബ്രി​ജ്ഭൂ​ഷ​നെ​തി​രേ ലൈം​ഗി​കാ​രോ​പ​ണം ഉ​ന്ന​യി​ച്ച് സ​മ​ര​ത്തി​നി​റ​ങ്ങി​യ ഗു​സ്തി താ​ര​ങ്ങ​ളു​ടെ പി​ന്തു​ണ​യു​ള്ള കോ​മ​ൺ​വെ​ൽ​ത്ത് ഗെ​യിം​സ് സ്വ​ർ​ണ​ജേ​താ​വ് അ​നി​ത ഷി​യോ​റി​നെ​യാ​ണ് ഫെ​ഡ​റേ​ഷ​ൻ തെ​ര​ഞ്ഞെ​ടു​പ്പി​ൽ സ​ഞ്ജ​യ് സി​ങ് തോ​ൽ​പ്പി​ച്ച​ത്. ആ​കെ​യു​ള്ള 47ൽ 40 ​വോ​ട്ടും സ​ഞ്ജ​യ് സി​ങ്ങി​നാ​യി​രു​ന്നു. ഗു​സ്തി ഫെ​ഡ​റേ​ഷ​നി​ൽ ബ്രി​ജ്ഭൂ​ഷ​ൻ സം​ഘ​ത്തി​ന്‍റെ ആ​ധി​പ​ത്യ​മാ​ണ് ഇ​തു കാ​ണി​ച്ച​തും. ബ​ഹു​ഭൂ​രി​പ​ക്ഷം സം​സ്ഥാ​ന​ങ്ങ​ളി​ൽ നി​ന്നു​മു​ള്ള ഗു​സ്തി ഫെ​ഡ​റേ​ഷ​നു​ക​ളു​ടെ പി​ന്തു​ണ ഇ​വ​ർ​ക്കു​ണ്ടാ​യി​രു​ന്നു. എ​ന്താ​യാ​ലും ഇ​പ്പോ​ൾ പു​തി​യ ഭ​ര​ണ​സ​മി​തി​യെ സ​സ്പെ​ൻ​ഡ് ചെ​യ്ത് താ​ര​ങ്ങ​ളു​ടെ പ്ര​തി​ഷേ​ധം ത​ണു​പ്പി​ക്കാ​നു​ള്ള ശ്ര​മ​മാ​ണ് കേ​ന്ദ്ര സ​ർ​ക്കാ​രി​ന്‍റെ ഭാ​ഗ​ത്തു​നി​ന്നു​ണ്ടാ​വു​ന്ന​ത്. ഫെ​ഡ​റേ​ഷ​ന്‍റെ ഭ​ര​ണ​ഘ​ട​ന​യി​ലെ വ്യ​വ​സ്ഥ​ക​ൾ​ക്കു വി​രു​ദ്ധ​മാ​യി പ്ര​വ​ർ​ത്തി​ക്കു​ന്നു​വെ​ന്നാ​ണ് സ​സ്പെ​ൻ​ഷ​നു കാ​ര​ണ​മാ​യി കാ​യി​ക മ​ന്ത്രാ​ല​യം ചൂ​ണ്ടി​ക്കാ​ണി​ക്കു​ന്ന​ത്. പ​ഴ​യ സ​മി​തി​യു​ടെ നി​ർ​ദേ​ശ​ങ്ങ​ൾ​ക്ക് അ​നു​സൃ​ത​മാ​യി പ്ര​വ​ർ​ത്തി​ക്കു​ന്നു, മു​ൻ ഭാ​ര​വാ​ഹി​ക​ളു​ടെ നി​യ​ന്ത്ര​ണ​ത്തി​ലു​ള്ള സ്ഥ​ല​ങ്ങ​ളി​ൽ നി​ന്നാ​ണ് ഫെ​ഡ​റേ​ഷ​ന്‍റെ പ്ര​വ​ർ​ത്ത​ന​ങ്ങ​ൾ ന​ട​ക്കു​ന്ന​ത് തു​ട​ങ്ങി​യ കാ​ര​ണ​ങ്ങ​ൾ മ​ന്ത്രാ​ല​യം ഉ​ന്ന​യി​ക്കു​ന്നു​ണ്ട്.

ഗു​സ്തി ഫെ​ഡ​റേ​ഷ​നെ മാ​ത്ര​മ​ല്ല, രാ​ജ്യ​ത്തെ വി​വി​ധ കാ​യി​ക ഇ​ന​ങ്ങ​ളെ നി​യ​ന്ത്രി​ക്കു​ന്ന സം​ഘ​ട​ന​ക​ളെ​യെ​ല്ലാം രാ​ഷ്‌​ട്രീ​യ​ത്തി​ന്‍റെ അ​തി​പ്ര​സ​ര​ത്തി​ൽ നി​ന്ന് മോ​ചി​പ്പി​ക്കേ​ണ്ട​തു​ണ്ട്. കാ​യി​ക സം​ഘ​ട​ന​ക​ൾ രാ​ഷ്‌​ട്രീ​യ നേ​താ​ക്ക​ളു​ടെ ക​ളി​യ​ര​ങ്ങാ​വു​ന്ന​ത് ഇ​താ​ദ്യ സം​ഭ​വ​മൊ​ന്നു​മ​ല്ല. സ്പോ​ർ​ട്സി​ന്‍റെ​യും താ​ര​ങ്ങ​ളു​ടെ​യും താ​ത്പ​ര്യ​ങ്ങ​ൾ​ക്കു വി​രു​ദ്ധ​മാ​യ ന​ട​പ​ടി​ക​ളു​ണ്ടാ​വു​മ്പോ​ഴെ​ങ്കി​ലും അ​തി​നെ ചെ​റു​ക്കാ​ൻ ക​ഴി​ഞ്ഞി​ല്ലെ​ങ്കി​ൽ കാ​യി​ക രം​ഗ​ത്ത് ന​മ്മു​ടെ വ​ള​ർ​ച്ച​യും ത​ട​സ​പ്പെ​ടും. ബ്രി​ജ്ഭൂ​ഷ​നെ​തി​രേ ലൈം​ഗി​കാ​രോ​പ​ണം ഉ​ന്ന​യി​ച്ചു ഗു​സ്തി താ​ര​ങ്ങ​ൾ പ്ര​തി​ഷേ​ധം ആ​രം​ഭി​ക്കു​ന്ന​ത് ഈ ​വ​ര്‍ഷം ജ​നു​വ​രി​യി​ലാ​ണ്. സ​ര്‍ക്കാ​ര്‍ ശ​ക്ത​മാ​യ ന​ട​പ​ടി വാ​ഗ്ദാ​നം ചെ​യ്ത ശേ​ഷ​മാ​ണ് അ​വ​ർ പ്ര​തി​ഷേ​ധം നി​ര്‍ത്തി​യ​ത്. മൂ​ന്നു മാ​സം ക​ഴി​ഞ്ഞി​ട്ടും ബ്രി​ജ്ഭൂ​ഷ​നെ​തി​രേ ന​ട​പ​ടി​യു​ണ്ടാ​യി​ല്ലെ​ന്നു ചൂ​ണ്ടി​ക്കാ​ണി​ച്ച് ഏ​പ്രി​ലി​ല്‍ അ​വ​ർ വീ​ണ്ടും തെ​രു​വി​ലി​റ​ങ്ങി. ത​ങ്ങ​ൾ​ക്കു ല​ഭി​ച്ച മെ​ഡ​ലു​ക​ൾ ഗം​ഗ​യി​ൽ ഒ​ഴു​ക്കു​മെ​ന്നു താ​ര​ങ്ങ​ൾ പ്ര​ഖ്യാ​പി​ച്ചു. ക​ർ​ഷ​ക നേ​താ​ക്ക​ൾ ഇ​ട​പെ​ട്ടാ​ണ് അ​വ​സാ​ന നി​മി​ഷം അ​തി​ൽ നി​ന്നു പി​ന്തി​രി​പ്പി​ച്ച​ത്. അ​തി​നെ​ല്ലാം ശേ​ഷ​മാ​ണ് ബ്രി​ജ്ഭൂ​ഷ​നെ​തി​രേ എ​ഫ്ഐ​ആ​ര്‍ ഫ​യ​ൽ ചെ​യ്ത​തും കു​റ്റ​പ​ത്രം സ​മ​ർ​പ്പി​ച്ച​തും. ബ്രി​ജ്ഭൂ​ഷ​നെ​തി​രാ​യ കേ​സ് നി​ല​നി​ൽ​ക്കു​മ്പോ​ൾ ത​ന്നെ അ​ദ്ദേ​ഹ​ത്തി​നു നി​യ​ന്ത്ര​ണം സാ​ധ്യ​മാ​വു​ന്ന വി​ധ​ത്തി​ൽ പു​തി​യ ഭ​ര​ണ​സ​മി​തി​യു​ണ്ടാ​വു​ന്നു​വെ​ന്ന വാ​ദം കാ​യി​ക മ​ന്ത്രാ​ല​യം ഇ​പ്പോ​ൾ കാ​ര്യ​മാ​യി പ​രി​ഗ​ണി​ച്ചി​രി​ക്കു​ക​യാ​ണ് എ​ന്നു​വേ​ണം ധ​രി​ക്കാ​ൻ. അ​ത് താ​ര​ങ്ങ​ൾ​ക്കു ന​ൽ​കു​ന്ന പ്ര​തീ​ക്ഷ നി​ല​നി​ർ​ത്താ​ൻ മ​ന്ത്രാ​ല​യ​ത്തി​നു ക​ഴി​യ​ട്ടെ.