മെ​ഡി​ക്ക​ൽ പി​ജി മെ​ഡി​ക്ക​ൽ കോ​ളെ​ജി​നു പു​റ​ത്തേ​ക്ക്

രാ​​​​ജ്യ​ത്തെ മെ​ഡി​ക്ക​ൽ പി​ജി വി​ദ്യാ​ഭ്യാ​സ രം​ഗ​ത്തു കൂ​ടു​ത​ൽ സാ​ധ്യ​ത​ക​ൾ തു​റ​ന്നു​കൊ​ണ്ടാ​ണ് മെ​ഡി​ക്ക​ൽ വി​ദ്യാ​ഭ്യാ​സ റ​ഗു​ലേ​റ്റ​ർ​മാ​രാ​യ ദേ​ശീ​യ മെ​ഡി​ക്ക​ൽ ക​മ്മി​ഷ​ൻ (എ​ൻ​എം​സി) പി​ജി വി​ദ്യാ​ഭ്യാ​സ നി​യ​ന്ത്ര​ണം സം​ബ​ന്ധി​ച്ച പു​തി​യ വി​ജ്ഞാ​പ​നം പു​റ​ത്തി​റ​ക്കി​യി​രി​ക്കു​ന്ന​ത്. ഇ​തു​പ്ര​കാ​രം മെ​ഡി​ക്ക​ൽ കോ​ളെ​ജു​ക​ളി​ൽ മാ​ത്ര​മ​ല്ല സാ​ധാ​ര​ണ സ​ർ​ക്കാ​ർ ആ​ശു​പ​ത്രി​ക​ളി​ലും ബി​രു​ദാ​ന​ന്ത​ര ബി​രു​ദ മെ​ഡി​ക്ക​ൽ കോ​ഴ്സു​ക​ൾ ആ​രം​ഭി​ക്കാ​ൻ അ​വ​സ​രം ഉ​ണ്ടാ​വു​ക​യാ​ണ്. അ​തി​നു​ള്ള നി​ബ​ന്ധ​ന കു​ട്ടി​ക​ളു​ടെ പ​ഠ​ന​ത്തി​ന് വേ​ണ്ട​ത്ര സൗ​ക​ര്യ​ങ്ങ​ൾ ഈ ​ആ​ശു​പ​ത്രി​ക​ളി​ൽ ഉ​ണ്ടാ​യി​രി​ക്ക​ണ​മെ​ന്ന​താ​ണ്. രാ​ജ്യ​ത്ത് മെ​ഡി​ക്ക​ൽ കോ​ളെ​ജു​ക​ളി​ൽ മാ​ത്ര​മേ ഇ​പ്പോ​ൾ പി​ജി വി​ദ്യാ​ർ​ഥി​ക​ൾ​ക്കും പ​ഠ​ന സൗ​ക​ര്യ​മു​ള്ളൂ. ആ​വ​ശ്യ​ത്തി​നു ബെ​ഡ്ഡു​ക​ൾ, ഫാ​ക്ക​ൽ​റ്റി, രോ​ഗി​ക​ളു​ടെ എ​ണ്ണം, അ​ടി​സ്ഥാ​ന സൗ​ക​ര്യ​ങ്ങ​ൾ എ​ന്നി​വ​യെ​ല്ലാം ഉ​റ​പ്പാ​ക്കി​യാ​ൽ കേ​ര​ള​ത്തി​ലെ പ​ല സ​ർ​ക്കാ​ർ ആ​ശു​പ​ത്രി​ക​ൾ​ക്കും പി​ജി കോ​ഴ്സു​ക​ൾ ആ​രം​ഭി​ക്കാ​ൻ സൗ​ക​ര്യ​മു​ണ്ടാ​വും എ​ന്നു​വേ​ണം ധ​രി​ക്കാ​ൻ. എം​ബി​ബി​എ​സ് കോ​ഴ്സ് ക​ഴി​ഞ്ഞ് പി​ജി​ക്ക് അ​വ​സ​രം നോ​ക്കി​യി​രി​ക്കു​ന്ന നി​ര​വ​ധി വി​ദ്യാ​ർ​ഥി​ക​ൾ​ക്ക് ഇ​തു സ​ഹാ​യ​ക​മാ​യേ​ക്കും. സ​ർ​ക്കാ​ർ ആ​ശു​പ​ത്രി​ക​ളി​ൽ എ​ത്തു​ന്ന പാ​വ​പ്പെ​ട്ട​വ​രാ​യ രോ​ഗി​ക​ൾ​ക്കും അ​ത് ഉ​പ​കാ​ര​പ്പെ​ടും.

ഓ​ർ​ത്തോ​പീ​ഡി​ഷ്യ​ൻ, പീ​ഡി​യാ​ട്രീ​ഷ്യ​ൻ, അ​ന​സ്തെ​റ്റി​സ്റ്റ്, റേ​ഡി​യോ​ള​ജി​സ്റ്റ് തു​ട​ങ്ങി വി​വി​ധ വി​ഭാ​ഗ​ങ്ങ​ളി​ലാ​യി മെ​ഡി​ക്ക​ൽ സ്പെ​ഷ്യ​ലി​സ്റ്റു​ക​ളു​ടെ എ​ണ്ണം വ​ർ​ധി​പ്പി​ക്കു​ക എ​ന്ന​താ​ണ് ഇ​തു​കൊ​ണ്ട് കേ​ന്ദ്ര സ​ർ​ക്കാ​ർ ഉ​ദ്ദേ​ശി​ക്കു​ന്ന​ത്. സ്പെ​ഷ്യ​ലി​സ്റ്റ് ഡോ​ക്റ്റ​ർ​മാ​രു​ടെ ക്ഷാ​മം പ​രി​ഹ​രി​ക്കാ​നു​ള്ള പ​ദ്ധ​തി​ക​ളി​ലാ​ണു കു​റ​ച്ചു​കാ​ല​മാ​യി സ​ർ​ക്കാ​ർ. രാ​ജ്യ​ത്തി​ന്‍റെ പ​ല ഭാ​ഗ​ങ്ങ​ളി​ലും ഡോ​ക്റ്റ​ർ​മാ​ർ ആ​വ​ശ്യ​ത്തി​ന്‍റെ വ​ള​രെ കു​റ​വാ​ണ്. ഇ​തി​ൽ ത​ന്നെ സ്പെ​ഷ്യ​ലി​സ്റ്റ് ഡോ​ക്റ്റ​ർ​മാ​ർ തീ​രെ കു​റ​വ്. 2010-2011നു ​ശേ​ഷം രാ​ജ്യ​ത്തെ മെ​ഡി​ക്ക​ൽ ബി​രു​ദ സീ​റ്റു​ക​ൾ (എം​ബി​ബി​എ​സ്) ഏ​താ​ണ്ട് മൂ​ന്നി​ര​ട്ടി​യാ​യി വ​ർ​ധി​ച്ചി​ട്ടു​ണ്ട് എ​ന്നാ​ണു ക​ണ​ക്ക്. പി​ജി സീ​റ്റു​ക​ൾ നാ​ലി​ര​ട്ടി​യോ​ള​മാ​യി. മെ​ഡി​ക്ക​ൽ കോ​ളെ​ജു​ക​ളു​ടെ എ​ണ്ണം ഇ​ര​ട്ടി​ച്ചു. ഈ ​വി​ക​സ​ന​ത്തി​നെ​ല്ലാം ശേ​ഷ​വും രാ​ജ്യ​ത്ത് ജ​ന​സം​ഖ്യ​യ്ക്ക് അ​നു​സൃ​ത​മാ​യി ഡോ​ക്റ്റ​ർ​മാ​രി​ല്ല. മ​റ്റു പ​ല രാ​ജ്യ​ങ്ങ​ളും ഇ​ക്കാ​ര്യ​ത്തി​ൽ ഇ​ന്ത്യ​യു​ടെ മു​ന്നി​ലാ​ണ്. രാ​ജ്യ​ത്തെ, പ്ര​ത്യേ​കി​ച്ച് ഗ്രാ​മീ​ണ മേ​ഖ​ല​ക​ളി​ലെ പൊ​തു​ജ​നാ​രോ​ഗ്യം മെ​ച്ച​പ്പെ​ടു​ത്തു​ന്ന​തി​ൽ മു​ഖ്യ​പ​ങ്ക് വ​ഹി​ക്കേ​ണ്ട​തു ഡോ​ക്റ്റ​ർ​മാ​രാ​ണ്.

സ​ർ​ക്കാ​ർ ആ​ശു​പ​ത്രി​ക​ളി​ൽ സൗ​ക​ര്യ​ങ്ങ​ളൊ​രു​ക്കി പി​ജി കോ​ഴ്സു​ക​ൾ ആ​രം​ഭി​ക്കാ​ൻ ക​ഴി​ഞ്ഞാ​ൽ അ​ത്ത​രം പ്ര​ദേ​ശ​ങ്ങ​ളി​ലു​ള്ള സാ​ധാ​ര​ണ രോ​ഗി​ക​ൾ​ക്ക് സ്പെ​ഷ്യ​ലി​സ്റ്റ് ഡോ​ക്റ്റ​ർ​മാ​രു​ടെ സേ​വ​നം കൂ​ടു​ത​ലാ​യി ല​ഭ്യ​മാ​വും. നി​ല​വി​ലു​ള്ള ഡോ​ക്റ്റ​ർ​മാ​രി​ൽ അ​മി​ത സ​മ്മ​ർ​ദം ഉ​ണ്ടാ​വു​ന്ന​ത് ഒ​ഴി​വാ​ക്കാ​നു​മാ​വും. പ​ക്ഷേ, സൗ​ക​ര്യം ഒ​രു​ക്കു​ക എ​ന്ന​ത് വ​ലി​യ ക​ട​മ്പ​യാ​ണ്. ആ​വ​ശ്യ​ത്തി​നു സൗ​ക​ര്യ​ങ്ങ​ളി​ല്ലെ​ങ്കി​ൽ പി​ജി പ​ഠ​നം വി​ദ്യാ​ർ​ഥി​ക​ൾ​ക്ക് ഉ​പ​കാ​ര​പ്പെ​ടാ​താ​വും. അ​തു സ​മൂ​ഹ​ത്തി​നു ത​ന്നെ ദോ​ഷ​ക​ര​മാ​യി മാ​റു​ക​യാ​വും ചെ​യ്യു​ക. കേ​ര​ള​ത്തി​ൽ ജി​ല്ലാ, ജ​ന​റ​ൽ ആ​ശു​പ​ത്രി​ക​ളി​ൽ പി​ജി കോ​ഴ്സു​ക​ൾ ആ​രം​ഭി​ക്കാ​നു​ള്ള സാ​ധ്യ​ത പ​രി​ശോ​ധി​ക്ക​പ്പെ​ടേ​ണ്ട​താ​ണ്.

മെ​ഡി​ക്ക​ൽ കോ​ളെ​ജു​ക​ളി​ൽ ബി​രു​ദ കോ​ഴ്സ് ആ​രം​ഭി​ച്ച് ഒ​രു വ​ർ​ഷ​ത്തി​നു ശേ​ഷം ബി​രു​ദാ​ന​ന്ത​ര ബി​രു​ദ കോ​ഴ്സും ആ​രം​ഭി​ക്കു​ന്ന​തി​നു​ള്ള അ​നു​മ​തി​ക്ക് അ​പേ​ക്ഷി​ക്കാ​മെ​ന്ന​താ​ണ് വി​ജ്ഞാ​പ​ന​ത്തി​ലെ മ​റ്റൊ​രു പ്ര​ധാ​ന വ്യ​വ​സ്ഥ. എം​ബി​ബി​എ​സ് വി​ദ്യാ​ർ​ഥി​ക​ളു​ടെ മൂ​ന്നാം ബാ​ച്ച് പ്ര​വേ​ശ​നം നേ​ടി​യ ശേ​ഷം മാ​ത്ര​മേ നേ​ര​ത്തേ പി​ജി കോ​ഴ്സി​ന് അ​പേ​ക്ഷി​ക്കാ​നാ​വു​മാ​യി​രു​ന്നു​ള്ളൂ. പു​തി​യ മെ​ഡി​ക്ക​ൽ കോ​ളെ​ജു​ക​ളി​ൽ പി​ജി കോ​ഴ്സു​ക​ൾ​ക്കു വേ​ണ്ടി​യു​ള്ള കാ​ത്തി​രി​പ്പ് ഒ​ഴി​വാ​ക്കു​ന്ന​തും വി​ദ്യാ​ർ​ഥി​ക​ൾ​ക്കും രോ​ഗി​ക​ൾ​ക്കും സ​ഹാ​യ​ക​ര​മാ​ണ്. കോ​ഴ്സു​ക​ൾ ആ​രം​ഭി​ക്കാ​ൻ അ​നു​മ​തി ന​ൽ​കി​യ ശേ​ഷം ആ​ദ്യ​ത്തെ ബാ​ച്ച് ബി​രു​ദം നേ​ടു​മ്പോ​ഴേ നി​ല​വി​ൽ അ​വി​ടു​ത്തെ സീ​റ്റു​ക​ൾ അം​ഗീ​ക​രി​ക്ക​പ്പെ​ട്ട​വ​യാ​കു​ന്നു​ള്ളൂ. അ​നു​വ​ദ​നീ​യ​മാ​യ സീ​റ്റു​ക​ൾ, അം​ഗീ​കാ​ര​മു​ള്ള സീ​റ്റു​ക​ൾ എ​ന്ന വ്യ​ത്യാ​സം ഇ​നി ഉ​ണ്ടാ​വി​ല്ല. കോ​ഴ്സ് ആ​രം​ഭി​ക്കാ​ൻ മെ​ഡി​ക്ക​ൽ ക​മ്മി​ഷ​ൻ അ​നു​മ​തി ന​ൽ​കി​യാ​ൽ അ​ത് അം​ഗീ​കൃ​ത സീ​റ്റാ​യി പ​രി​ഗ​ണി​ക്ക​പ്പെ​ടും.

"ഇ​ന്‍റ​സ്പെ​ക്റ്റ് രാ​ജ്' അ​വ​സാ​നി​പ്പി​ക്കു​ക​യാ​ണ് എ​ന്ന സൂ​ച​ന​യാ​ണ് എ​ൻ​എം​സി ന​ൽ​കു​ന്ന​ത്. എ​ല്ലാ കോ​ളെ​ജും എ​ല്ലാ വ​ർ​ഷ​വും പ​രി​ശോ​ധി​ക്കു​ന്ന​തി​നു പ​ക​രം പ​രി​ശോ​ധ​ന​ക​ൾ അ​ത്യാ​വ​ശ്യ​ത്തി​നു മാ​ത്ര​മാ​ക്കു​മെ​ന്നാ​ണ് ബ​ന്ധ​പ്പെ​ട്ട വൃ​ത്ത​ങ്ങ​ൾ സൂ​ചി​പ്പി​ക്കു​ന്ന​ത്. എ​ല്ലാ വ​ർ​ഷ​വും ഓ​രോ മെ​ഡി​ക്ക​ൽ കോ​ളെ​ജു​ക​ളും അ​വ​രു​ടെ വി​ഭ​വ​ങ്ങ​ളും അ​ടി​സ്ഥാ​ന സൗ​ക​ര്യ​ങ്ങ​ളു​മെ​ല്ലാം സ്വ​യം പ്ര​ഖ്യാ​പി​ക്കു​ക എ​ന്ന​താ​വും ന​യം. ആ​വ​ശ്യ​മെ​ന്നു വ​രു​ന്ന ഘ​ട്ട​ത്തി​ൽ മാ​ത്ര​മാ​വും എ​ന്‍എം​സി പ​രി​ശോ​ധ​ന.

പു​തി​യ ഡി​പ്ലോ​മാ കോ​ഴ്സു​ക​ൾ അ​നു​വ​ദി​ക്കു​ന്ന​ത് മ​ര​വി​പ്പി​ച്ചി​രി​ക്കു​ക​യാ​ണ്. അ​തേ​സ​മ​യം, ര​ണ്ടു​വ​ർ​ഷ​ത്തെ ഫെ​ല്ലോ​ഷി​പ്പ് പ്രോ​ഗ്രാ​മി​ന് അ​നു​മ​തി​യു​മു​ണ്ട്. പി​ജി കോ​ഴ്സു​ക​ളു​ടെ പ്ര​വേ​ശ​ന​ത്തി​ൽ തി​രി​മ​റി കാ​ണി​ക്കു​ന്ന​ത​ട​ക്കം ക്ര​മ​ക്കേ​ടു​ക​ളു​ണ്ടാ​യാ​ൽ ക​ന​ത്ത ശി​ക്ഷ​യാ​ണു മെ​ഡി​ക്ക​ൽ ക​മ്മി​ഷ​ൻ നി​ർ​ദേ​ശി​ച്ചി​ട്ടു​ള്ള​ത്. നൂ​റു ശ​ത​മാ​നം സു​താ​ര്യ​മാ​യി പി​ജി മെ​ഡി​ക്ക​ൽ പ്ര​വേ​ശ​നം ന​ട​ത്താ​ൻ ക​മ്മി​ഷ​നു ക​ഴി​യ​ട്ടെ. കൂ​ടു​ത​ൽ കു​ട്ടി​ക​ൾ​ക്ക് പി​ജി പ​ഠ​ന​ത്തി​ന് അ​വ​സ​രം ല​ഭി​ക്കു​ക​യും ചെ​യ്യ​ട്ടെ.