![എൽ.എൽ.ബി പുനഃപ്രവേശനം, കോളെജ് മാറ്റം](http://media.assettype.com/metrovaartha%2F2023-06%2Fd4ecda15-416c-4e1c-9763-5c32c0bc1b0d%2Fllb.jpg?w=480&auto=format%2Ccompress&fit=max)
കോഴിക്കോട് ഗവ. ലോ കോളെജിൽ പഞ്ചവത്സര ബി.ബി.എ. എൽ.എൽ.ബി. (ഓണേഴ്സ്) ത്രിവത്സര എൽ.എൽ.ബി. (യൂണിറ്ററി) കോഴ്സുകളിലെ വിവിധ ക്ലാസുകളിലെ 2023-24 അധ്യയനവർഷത്തിൽ ഒഴിവുള്ള ഏതാനും സീറ്റുകളിലേക്ക് ഇടയ്ക്ക് പഠനം നിർത്തിയവർക്ക് പുന:പ്രവേശനത്തിനും തൃശൂർ ഗവ. ലോ കോളെജിൽ പഠിച്ചുകൊണ്ടിരിക്കുന്നവർക്ക് കോളെജ് മാറ്റത്തിനുമായി ജൂൺ ഒമ്പതിന് വൈകീട്ട് മൂന്നുവരെ അപേക്ഷിക്കാം. അപേക്ഷാഫോറവും മറ്റു വിവരങ്ങളും കോളെജ് ലൈബ്രറിയിൽനിന്ന് ലഭിക്കും.
അപേക്ഷയോടൊപ്പം പ്ലസ്ടു / ഡിഗ്രി മാർക്ക്ലിസ്റ്റിന്റേയും പ്രവേശനസമയത്ത് ലഭിച്ച അലോട്ട്മെന്റ് മെമ്മോയുടേയും അവസാനമെഴുതിയ പരീക്ഷയുടെ ഹാൾടിക്കറ്റിന്റെയും ശരിപ്പകർപ്പുകൾ ഉണ്ടായിരിക്കണം. പുന:പ്രവേശനത്തിന് ശുപാർശ ചെയ്യപ്പെടുന്നവർ യൂണിവേഴ്സിറ്റിയിൽ ആവശ്യമായ ഫീസടച്ച് ഉത്തരവ് കരസ്ഥമാക്കിയ ശേഷം കോളെജിൽ പ്രവേശനം നേടണം.
കോളെജ് മാറ്റത്തിന് അപേക്ഷിക്കുന്നവർ തൃശൂർ ഗവ. ലോ കോളെജ്പ്രിൻസിപ്പൽ സാക്ഷ്യപ്പെടുത്തിയ കോളെജ് മാറ്റത്തിനുള്ള അപേക്ഷ നൽകിയാൽമാത്രമേ പരിഗണിക്കൂ. പുന:പ്രവേശനത്തിനുളള അപേക്ഷകൾ പരിഗണിച്ചശേഷം ഒഴിവ് വരുന്ന സീറ്റുകളിലേക്ക് മാത്രമേ കോളെജ് മാറ്റത്തിനുളളവ പരിഗണിക്കൂ.