പഠനത്തിനായെത്തുന്ന ഇന്ത്യൻ വിദ്യാർഥികളെ യാതൊരു വിശദീകരണവുമില്ലാതെ യുഎസ് തിരിച്ചയയ്ക്കുകയാണെന്ന് ഇന്ത്യൻ വിദേശകാര്യ മന്ത്രാലയത്തിന്‍റെ റിപ്പോർട്ട് കഴിഞ്ഞമൂന്ന് വർഷത്തിനിടെ 48 വിദ്യാർഥികളെയാണ് വ്യക്തമായ കാരണങ്ങൾ ഒന്നുമില്ലാതെ അമേരിക്ക ഇന്ത്യയിലേക്ക് തിരിച്ചയച്ചത്. വെള്ളിയാഴ്ച പാർലമെന്‍റിൽ വിദേശകാര്യ സഹമന്ത്രി കീർത്തി വർധൻ സിങ്ങാണ് ഈ വിവരം പുറത്തുവിട്ടത്.കഴിഞ്ഞമൂന്ന് വർഷത്തിനിടെ 48 വിദ്യാർഥികൾക്കെതിരെ കേസുകൾ ഉണ്ടായിട്ടുണ്ടെന്ന് ലോക്‌സഭയിലെ സെഷനിൽ പങ്കെടുത്ത കീർത്തി വർധൻ സിംഗ് പ്രതികരിച്ചു. ഇന്ത്യൻ പൗരന്മാരെ തിരിച്ചയച്ചെങ്കിലും യുഎസ് അധികൃതർ ഇന്ത്യൻ സർക്കാരുമായി ഔദ്യോഗികമായി കാരണങ്ങളൊന്നും പങ്കുവെച്ചിട്ടില്ല.
എങ്കിലും ഇന്ത്യൻ വിദ്യാർഥികളെ നാടുകടത്താനുള്ള സാധ്യമായ കാരണങ്ങൾ അദ്ദേഹം വിശദീകരിച്ചു, "അനധികൃത തൊഴിൽ, ക്ലാസുകളിൽ നിന്നുള്ള അംഗീകൃതമല്ലാത്ത പിൻവലിക്കൽ, പുറത്താക്കലും സസ്പെൻഷനും, ഓപ്ഷണൽ പ്രാക്റ്റിക്കൽ ട്രെയിനിംഗ് (OPT) തൊഴിലവസരങ്ങൾ റിപ്പോർട്ട് ചെയ്യുന്നതിൽ പരാജയപ്പെട്ടത് എന്നിവയാകാം വിദ്യാർഥികളുടെ വിസകൾ അവരുടെ രാജ്യത്ത് താമസിക്കുന്നത് നിയമവിരുദ്ധമാക്കുന്നതിലേക്ക് നയിച്ചത്.'
അനധികൃത കുടിയേറ്റത്തിൽ ഏർപ്പെട്ടിരിക്കുന്ന ആളുകൾക്കെതിരെ സർക്കാർ നടപടിയെടുക്കുകയും കേന്ദ്ര-സംസ്ഥാന തലങ്ങളിൽ വിദേശ രാജ്യങ്ങളിലേക്ക് സുരക്ഷിതവും നിയമപരവുമായ മൊബിലിറ്റിയെക്കുറിച്ച് പൗരന്മാരെ ബോധവൽക്കരിക്കുകയും ചെയ്യുന്നുണ്ടെന്നും അവർ അറിയിച്ചു.
