![kerala cm pinarayi vijayan congratulated 'All We Imagine as Light' movie team](http://media.assettype.com/metrovaartha%2F2024-05%2F5eabe315-115b-4106-b27d-f401ea5f1f5c%2F1.jpg?w=480&auto=format%2Ccompress&fit=max)
തിരുവനന്തപുരം: കാൻസ് രാജ്യാന്തര ചലച്ചിത്ര മേളയിൽ ഗ്രാൻഡ് പ്രി പുരസ്കാരം കരസ്ഥമാക്കി ഇന്ത്യൻ സിനിമയുടെ യശസ്സുയർത്തിയ ‘ഓൾ വി ഇമേജിൻ ആസ് ലൈറ്റ്’ ചിത്രത്തിന്റെ പ്രവർത്തകരെ അഭിനന്ദിച്ച് മുഖ്യമന്ത്രി പിണറായി വിജയൻ. ഈ നേട്ടത്തോടെ സമകാലിക ലോക സിനിമയിലെ ഉറച്ച ശബ്ദമായി മാറിയിരിക്കുകയാണ് സംവിധായികയായ പായൽ കപാഡിയ.
സിനിമയിലെ പ്രധാന കഥാപാത്രങ്ങളായി വേഷമിട്ടിരിക്കുന്നത് മലയാളികളായ കനി കുസൃതിയും ദിവ്യ പ്രഭയുമാണെന്നത് മലയാളികൾക്ക് ഏറെ അഭിമാനകരമായ കാര്യമാണ്. ഇനിയും നല്ല സിനിമകൾ സൃഷ്ടിക്കാൻസ് സാധിക്കട്ടെയെന്നും വലിയ നേട്ടങ്ങൾ ഇവരെ തേടിയെത്തട്ടെയെന്നും മുഖ്യമന്ത്രി ആശംസിച്ചു.