![ലണ്ടന് റോക് സ്കൂളിന്റെ കേരള ശാഖയില് ക്ലാസുകളുടെ ഉദ്ഘാടനം സംഗീത സംവിധായകന് ജെറി അമല്ദേവ് ഉദ്ഘാടനം ചെയ്യുന്നു.](http://media.assettype.com/metrovaartha%2F2023-06%2F96ca447d-1322-4ee4-a568-964999cd7005%2Frock_school.jpg?w=480&auto=format%2Ccompress&fit=max)
കൊച്ചി: ലണ്ടന് റോക് സ്കൂളിന്റെ നിയന്ത്രണത്തിലുള്ള പിയാനോ, ഗിത്താര്, വോക്കല്, സ്ട്രീറ്റ് ഡാന്സ്, ഡ്രംസ് തുടങ്ങിയ സംഗീത ക്ലാസുകള് ഇനി കലാഭവനില് ലഭിക്കും. കലാഭവനില് നടന്ന ചടങ്ങില് ക്ലാസുകളുടെ ഉദ്ഘാടനം സംഗീത സംവിധായകന് ജെറി അമല്ദേവ് ഉദ്ഘാടനം ചെയ്തു.
കലാഭവനില് സംഗീതം പഠിച്ച് ലണ്ടന് ആര്എസ്എല് റോക് സ്കൂളില് ഗ്രെഡ് എക്സാം എഴുതാന് കഴിയുന്നത് സംഗീത വിദ്യാര്ഥികള്ക്ക് വലിയ മുതല്ക്കൂട്ടാകുമെന്ന് ജെറി അമല്ദേവ് പറഞ്ഞു. കലാഭവന് പ്രസിഡന്റ് ഫാ. ചെറിയാന് കുനിയന്തോടത്ത് അധ്യക്ഷനായി. കലാഭവന് സെക്രട്ടറി കെ.എസ്. പ്രസാദ്, ട്രഷറര് കെ.എ. അലി അക്ബര്, പി.ജെ. ഇഗ്നേഷ്യസ്, അജീഷ് ആന്റോ, പിന്നണി ഗായിക ടെല്മ എന്നിവര് പങ്കെടുത്തു.