മുംബൈ: ബോളിവുഡ് താരങ്ങളുടെ വസതികളുള്ള ബാന്ദ്രാ ഹിൽസിൽ രണ്ടാമത്തെ ആഡംബര വസതി കൂടി സ്വന്തമാക്കി പൃഥ്വിരാജും ഭാര്യ സുപ്രിയ മേനോനും. പൃഥ്വിരാജ് പ്രൊഡക്ഷൻസിന്‍റെ പേരിൽ 2971 ചതുരശ്ര അടി വിസ്തീർണമുള്ള ഫ്ലാറ്റാണ് വാങ്ങിയിരിക്കുന്നത്. 30 കോടി രൂപയാണ് വില. സ്റ്റാംപ് ഡ്യൂട്ടിയായി 1.84 കോടി രൂപ അടച്ചുവെന്നാണ് റിപ്പോർട്ട്.
പാലി ഹില്ലിൽ 17 കോടി രൂപ വില വരുന്നൊരു വസതി മുൻപേ പൃഥ്വിരാജ് വാങ്ങിയിരുന്നു. അതിനു പുറകേയാണ് നാല് കാറുകൾ പാർക്ക് ചെയ്യാവുന്ന മറ്റൊരു ഫ്ലാറ്റ് കൂടി സ്വന്തമാക്കിയിരിക്കുന്നത്.
രൺവീർ സിങ്, അക്ഷയ് കുമാർ, ക്രിക്കറ്റ് താരം കെ.എൽ. രാഹുൽ തുടങ്ങിയവരെല്ലാം ഇവിടെ ഫ്ലാറ്റ് സ്വന്തമാക്കിയിട്ടുണ്ട്.
