ദേശീയ സിനിമ ദിനമായ സെപ്റ്റംബർ 20ന് (വെള്ളി) 99 രൂപയ്ക്ക് സിനിമ ടിക്കറ്റുകൾ നൽകുമെന്ന് മൾട്ടിപ്ലെക്സ് അസോസിയേഷൻ ഓഫ് ഇന്ത്യ അറിയിച്ചു. രാജ്യത്തിന്‍റെ വിവിധ ഭാഗങ്ങളിലുള്ള നാലായിരത്തിലധികം സ്ക്രീനുകളിൽ ഒരു ദിവസത്തേക്ക് ഈ ഓഫർ ലഭ്യമായിരിക്കും.
തുടരെ മൂന്നാം വർഷമാണ് ദേശീയ സിനിമ ദിനത്തിൽ മൾട്ടിപ്ലെക്സ് അസോസിയേഷൻ ഓഫ് ഇന്ത്യ കുറഞ്ഞ നിരക്കിന് ടിക്കറ്റുകൾ നൽകുന്നത്. ഓൺലൈനയും ഓഫ്‌ലൈനായും ബുക്ക് ചെയ്യുന്ന ടിക്കറ്റുകൾക്ക് ഈ ഡിസ്കൗണ്ട് ലഭ്യമായിരിക്കും.
ഇതിനു പുറമേ മറ്റു സ്പെഷ്യൽ ഓഫറുകളും ഫുഡ് ഡീലുകളും ലഭ്യമാണ്. ഇതിന്‍റെ വിശദാംശങ്ങൾ അതത് തിയെറ്ററുകളിലും അവരുടെ വെബ്സൈറ്റുകളിലും സോഷ്യൽ മീഡിയ ചാനലുകളിലും ലഭ്യമാകും.
