![ksrtc](http://media.assettype.com/metrovaartha%2F2023-12%2Fe8e04831-3580-4744-9911-65e8fe30deab%2Fksrtc.jpg?w=480&auto=format%2Ccompress&fit=max)
തിരുവനന്തപുരം: ക്രിസ്തുമസ് -പുതുവൽസര സ്പെഷ്യൽ യാത്രാ പാക്കേജുകളുമായി കെഎസ്ആർടിസി ബജറ്റ് ടൂറിസം സെൽ. സംസ്ഥാനത്തെ വിവിധ ഡിപ്പോകളിൽ നിന്നും അവധി ദിനങ്ങളിൽ വിനോദ സഞ്ചാര കേന്ദ്രങ്ങളിലേക്ക് പ്രത്യേക സർവീസുകളാണ് ഒരുക്കിയിരിക്കുന്നത്.
'ജംഗിൾ ബെൽസ്' എന്ന പേരിൽ നെയ്യാറ്റിൻകര ഡിപ്പോയിൽ നിന്ന് സംസ്ഥാനത്തിലെ വിവിധ ടൂറിസ്റ്റ് കേന്ദ്രങ്ങളിലേക്കുള്ള യാത്രകളുടെ ബുക്കിങ് ആരംഭിച്ചു കഴിഞ്ഞു. യാത്രക്കാർക്കായി ആകർഷകങ്ങളായ മത്സരങ്ങളും ജംഗിൾബെൽ യാത്രകളിൽ ക്രമീകരിച്ചിട്ടുണ്ട്. ഡിസംബർ 24,31 എന്നീ ദിവസങ്ങളിൽ ഗവി, പരുന്തുംപാറ എന്നിവിടങ്ങളിലേക്കായി ഏകദിന പ്രകൃതി സൗഹൃദ യാത്ര നടത്തും.
യാത്രയ്ക്കായി 9539801011 എന്ന നമ്പറിൽ ബുക്ക് ചെയ്യാം. 27,28 തീയതികളിൽ ദ്വിദിന വാഗമൺ യാത്ര 9946263153 എന്ന നമ്പറിൽ ബുക്ക് ചെയ്യാം. 30, 31, ജനുവരി ഒന്ന്, രണ്ട് തീയതികളിലായി വയനാടിന്റെ സൗന്ദര്യം ആസ്വദിക്കാനായി ഒരുക്കുന്ന പുതുവൽസര സ്പെഷ്യൽ യാത്രക്കായി 9074639043 എന്ന നമ്പറിൽ ബുക്ക് ചെയ്യാം. ഡിസംബർ 23,24,25 ലെ ക്രിസ്തുമസ് സ്പെഷ്യൽ സമ്പൂർണ മൂന്നാർ യാത്രക്കായി 9539801011 എന്ന നമ്പറിൽ ബുക്ക് ചെയ്യാം. ഒമ്പത് ,17,24,31 തീയതികളിൽ സംഘടിപ്പിക്കുന്ന കാപ്പുകാട്, പൊന്മുടി ഏകദിന ഉല്ലാസ യാത്രക്കായി 6282674645 എന്ന നമ്പറിലാണ് ബുക്ക് ചെയ്യേണ്ടത്. 27,30, ജനുവരി രണ്ട് തീയതികളിൽ തിരുവൈരാണിക്കുളത്തേക്ക് തീർഥാടനയാത്ര ബുക്കിങ്ങിനായി 9497849282 എന്ന നമ്പറിൽ ബന്ധപ്പെടണം.
28 ന് വണ്ടർലാ സ്പെഷ്യൽ യാത്രയും 30, 31 തീയതികളിലായി അതിരപ്പള്ളി, വാഴച്ചാൽ, മലക്കപ്പാറ ദ്വിദിന പുതുവൽസര യാത്രയും നെയ്യാറ്റിൻകരയിൽ നിന്ന് ഉണ്ടായിരിക്കും. 9539801011 ൽ ബുക്കിങ് സ്വീകരിക്കും. യാത്രകളുടെ വിശദവിവരങ്ങൾക്കായി 98460 67232 എന്ന നമ്പറിൽ ബന്ധപ്പെടാം.
അറബിക്കടലിലെ നെഫർറ്റിറ്റി ആഡംബരക്കപ്പൽ യാത്രയുടെ അടുത്ത സീസണിലേക്കുള്ള മുൻകൂർ ബുക്കിംഗും നെയ്യാറ്റിൻകര യൂണിറ്റിൽ ആരംഭിച്ചിട്ടുണ്ട്. ഇമെയിൽ-btc.ksrtc@kerala.gov.in