സ്വന്തം ലേഖകൻ
ഷാർജ: ഇ.പി. ജയരാജന്‍റെ ആത്മകഥയുടെ പ്രസാധനവുമായി ബന്ധപ്പെട്ട വിഷയത്തിൽ പ്രതികരിക്കാനില്ലെന്ന് ഡിസി ബുക്ക്സിന്‍റെ സിഇഒ രവി ഡിസി ഷാർജയിൽ പറഞ്ഞു. ഇത്തരം കാര്യങ്ങളിൽ താൻ ഇതുവരെ മാധ്യമങ്ങളോട് സംസാരിച്ചിട്ടില്ലെന്നും അദ്ദേഹം പറഞ്ഞു.
പ്രസാധനവുമായി ബന്ധപ്പെട്ട കാര്യങ്ങൾ സംസാരിക്കാൻ ഡി സി ബുക്സ് ഔദ്യോഗികമായി ഒരാളെ ചുമതലപ്പെടുത്തിയിട്ടുണ്ടെന്നും അദ്ദേഹം ഇക്കാര്യത്തിൽ വിശദീകരണം നൽകുമെന്നും രവി ഡിസി വിശദീകരിച്ചു.
ഷാർജ അന്താരാഷ്ട്ര പുസ്തകോത്സവത്തിന്‍റെ ഭാഗമായാണ് രവി ഡിസി ഷാർജയിൽ എത്തിയിരിക്കുന്നത്.
ആത്മകഥയുടേതെന്ന പേരിൽ പ്രചരിക്കുന്ന പല വിവാദ വിഷയങ്ങളും താൻ എഴുതി‍യതല്ലെന്നും, ഇതിനെതിരേ നിയമനടികൾ സ്വീകരിക്കുമെന്നും ഇ.പി. ജയരാജൻ പ്രതികരിച്ചിരുന്നു.
