ഷാർജ: അന്താരാഷ്ട്ര പുസ്തകമേളയിൽ ഷാർജ പെർഫോമിങ് ആർട്‌സ് അക്കാഡമി മ്യൂസിക്കൽ തിയറ്റർ വിദ്യാർഥിനിയായ നൂറ നുജും നിയാസിന്‍റെ, സൈകതം ബുക്സ് പ്രസിദ്ധീകരിച്ച ഇംഗ്ലീഷ് കവിതാ സമാഹാരം 'വിവിധ് മെമ്മറി' എന്ന പുസ്തകം പ്രകാശനം ചെയ്തു.
പെർഫോമിങ് ആർട്‌സ് അക്കാഡമി എക്‌സിക്യൂട്ടിവ് ഡയറക്റ്റർ പ്രൊഫ. പീറ്റർ ബാർലോ ആർട്‌സ് അക്കാഡമിയിലെ വോക്കോളജിസ്റ്റ് കാത്‌ലീൻ ബെല്ലിന് നൽകിയാണ് പ്രകാശനം ചെയ്തത്.
എഴുത്തുകാരായ ചന്ദ്രമ ദേശ്മുഖ്, പി.കെ. അനിൽ കുമാർ എന്നിവർ പ്രസംഗിച്ചു. മൊറോക്കോയിൽ നിന്നുള്ള മഹാ എൽഹത്താഫ് അവതാരകയായി. നുജും നിയാസ്, സോണിയ നിയാസ്, സംഗീത ജസ്റ്റിൻ തുടങ്ങിയവർ ചടങ്ങിൽ പങ്കെടുത്തു.
