വോട്ടെണ്ണൽ തുടങ്ങി ആദ്യ രണ്ട് റൗണ്ടിലും പിന്നീട് അഞ്ച്, ആറ് റൗണ്ടുകളിലും നേരിയ ലീഡ് നേടിയ ബിജെപി സ്ഥാനാർഥിക്കെതിരേ പാലക്കാട്ട് കോൺഗ്രസ് സ്ഥാനാർഥി രാഹുൽ മാങ്കൂട്ടത്തിൽ സുരക്ഷിതമായ ലീഡിലേക്ക്. നിലവിൽ അയ്യായിരം കടന്ന രാഹുലിന്‍റെ ലീഡ്, ജയത്തിന് പര്യാപ്തമാകുമെന്ന പ്രതീക്ഷയിലാണ് യുഡിഎഫ് ക്യാംപ്.
പ്രിയങ്ക ഗാന്ധി രണ്ട് ലക്ഷത്തോളം വോട്ടിന്‍റെ ലീഡ് നേടി മുന്നേറുന്ന വയനാട് ലോക്സഭാ മണ്ഡലത്തിൽ, രണ്ടു പ്രധാന എതിർസ്ഥാനാർഥികൾക്കും ഇതുവരെ അര ലക്ഷം വോട്ട് പോലും നേടാനായിട്ടില്ല. ഇതുവരെ 48,000 വോട്ട് നേടിയ ബിജെപി സ്ഥാനാർഥി നവ്യ ഹരിദാസ് മൂന്നാം സ്ഥാനത്താണ്. 86,000 വോട്ടുമായി സിപിഐ സ്ഥാനാർഥി സത്യൻ മൊകേരിയാണ് രണ്ടാമത്.
വയനാട് ലോക്സഭാ മണ്ഡലത്തിലേക്കും പാലക്കാട്, ചേലക്കര നിയമസഭാ മണ്ഡലങ്ങളിലേക്കുമാണ് കേരളത്തിൽ ഉപതെരഞ്ഞെടുപ്പ് നടത്തിയത്.
