![12 കാരിയെ പീഡിപ്പിച്ച ശേഷം ജീവനോടെ കത്തിച്ചു](http://media.assettype.com/metrovaartha%2F2023-08%2F3b14e451-bcf4-48df-b768-f23e99ad6c4f%2Fdsgfh.jpg?w=480&auto=format%2Ccompress&fit=max)
ജയ്പുർ: രാജസ്ഥാനിൽ കാണാതായ 12 വയസുകാരിയുടെ മൃതദേഹം കത്തിക്കരിഞ്ഞ നിലയിൽ കണ്ടെത്തി. ഭിൽവാരയിലെ ഇഷ്ടിക ചൂളയിൽ നിന്നാണ് മൃതദേഹം കണ്ടെത്തിയത്.
ബുധനാഴ്ച വൈകിട്ട് അമ്മയ്ക്കൊപ്പം ആടുകളെ മേയ്ക്കാൻ വയലിലേക്ക് പോയ പെൺകുട്ടിയെ കാണാതാവുകയായിരുന്നു. തുടർന്ന് ബന്ധുക്കളും നാട്ടുകാരും ചേർന്ന് നടത്തിയ അന്വേഷണത്തിൽ ഇഷ്ടികക്കളത്തിൽ നിന്ന് പെൺകുട്ടിയുടെ വള കണ്ടെത്തി. പിന്നീട് പൊലീസ് നടത്തിയ പരിശോധനയിൽ മൃതദേഹം കണ്ടെത്തുകയായിരുന്നു. പെൺകുട്ടിയെ കൂട്ടബലാത്സംഗം ചെയ്ത ശേഷം ജീവനോടെ ചൂളയിലെറിഞ്ഞതായാണ് ബന്ധുക്കളും നാട്ടുകാരും ആരോപിക്കുന്നത്.