![കാറിൽ കടത്താൻ ശ്രമിച്ച 72 ലിറ്റർ വിദേശമദ്യം പിടികൂടി; സ്ത്രീയടക്കം 2 പേർ അറസ്റ്റിൽ](http://media.assettype.com/metrovaartha%2F2024-02%2F17fb1a60-d70a-4560-8e7f-c5c1d72727aa%2Faac63ecb-71f9-4d39-ba69-e14756064737.jpg?w=480&auto=format%2Ccompress&fit=max)
തൃശൂർ: മാഹിയിൽ നിന്ന് കാറിൽ കടത്തിക്കൊണ്ടുപോവുകയായിരുന്ന 72 ലിറ്റർ വിദേശമദ്യവുമായി സ്ത്രീയടക്കം രണ്ടുപേർ പിടിയിൽ. കോഴിക്കോട് സ്വദേശികളായ മലാപ്പറമ്പ് പാറപ്പുറത്ത് വീട്ടിൽ ഡാനിയൽ (40), കുറ്റിച്ചിറ സ്വദേശിനി വലിയകത്ത് വീട്ടിൽ സാഹിന (45) എന്നിവരാണ് അറസ്റ്റിലായത്.
മദ്യം കടത്താൻ ശ്രമിച്ച കാറും എക്സൈസ് കസ്റ്റഡിയിലെടുത്തിട്ടുണ്ട്. ബുധനാഴ്ച രാവിലെ കൊടകര പാലത്തിന് സമീപത്ത് നിന്നാണ് ഇവർ പിടിയിലായത്. കാറിന്റെ ഡിക്കിയിൽ എട്ട് പെട്ടികളിലായാണ് മദ്യം സൂക്ഷിച്ചിരുന്നത്.