മുംബൈ: ആഗോള ഭീകര സംഘടന ഇസ്‌ലാമിക് സ്റ്റേറ്റിനു (ഐഎസ്) വേണ്ടി പ്രവർത്തിച്ച ഒരാളെ കൂടി ദേശീയ അന്വേഷണ ഏജൻസി മഹാരാഷ്‌ട്രയിൽ നിന്ന് അറസ്റ്റ് ചെയ്തു. പൂനെ കൊന്ധ്വ മേഖലയിൽ നിന്ന് ഡോ. അദ്നനലി സർക്കാർ എന്ന 43കാരനാണു പിടിയിലായത്.
ഐഎസിന്‍റെ മഹാരാഷ്‌ട്ര മൊഡ്യൂളിലെ പ്രധാനിയാണ് ഇയാളെന്ന് എൻഐഎ. മഹാരാഷ്‌ട്ര മൊഡ്യൂളിൽ ഇത് അഞ്ചാമനാണ് അറസ്റ്റിലാകുന്നതെന്നും അന്വേഷണ ഏജൻസി. ഇയാളിൽ നിന്നു ഡിജിറ്റൽ ഉപകരണങ്ങൾ ഉൾപ്പെടെ പിടിച്ചെടുത്തു. നേരത്തേ, മുംബൈയിൽ നിന്ന് തബീഷ് നാസർ സിദ്ദിഖി, പൂനെയിൽ നിന്ന് സുബൈർ നൂർ മുഹമ്മദ് ഷെയ്ഖ് (അബു നുസൈഫ), താനെയിൽ നിന്നു ഷർജീൽ ഷെയ്ഖ്, സുൾഫിക്കർ അലി ബരോദ്‌വാല എന്നിവരെയും അറസ്റ്റ് ചെയ്തിരുന്നു.
