ന്യൂഡൽഹി: ഇൻഡിഗോ വിമാനത്താവളത്തിൽ വീണ്ടും യാത്രക്കാരന്‍റെ മോശം പെരുമാറ്റം. മദ്യപിച്ചെത്തിയ യാത്രക്കാരൻ വിമാനത്തിന്‍റെ എമർജൻസി വാതിൽ തുറക്കാൻ ശ്രമിച്ചു. ഡൽഹി ഇന്ദിര ഗാന്ധി രാജ്യാന്തര വിമാനത്താവളത്തിൽ ഇന്നലെ രാവിലെ 8 മണിയോടടുത്താണ് സംഭവം.
ഡൽഹി- ബാംഗ്ലൂർ ഇൻഡിഗോ വിമാനത്തിലെ യാത്രക്കാരനായ 40 വയസുകാരനെ എയർപോർട്ട് പൊലീസ് അറസ്റ്റ് ചെയ്തു. കാൺപൂർ സ്വദേശി ആർ പ്രതീക് എന്നയാളാണ് അറസ്റ്റിലായത്. സംഭവത്തിൽ ഇൻഡിഗോ അന്വേഷണം ആരംഭിച്ചു.
യാത്രക്കാരൻ വാതിൽ തുറക്കാൻ ശ്രമിക്കുന്ന വിവരം കാബിൻ ക്രൂ ക്യാപ്റ്റനെ അറിയിക്കുകയായും ഇയാളെ പിടിച്ചുമാറ്റാനും ശ്രമിച്ചു. വിമാനം പിന്നീട് ബാംഗ്ലൂർ വിമാനത്താവളത്തിൽ എത്തിയതിന് പിന്നാലെ ഇയാളെ സിഐഎസ്എഫിന് കൈമാറുകയായിരുന്നു.
