എറണാകുളം: എറണാകുളം ജില്ലയിലെ കോലഞ്ചേരിയ്ക്ക് സമീപം കടയിരുപ്പിൽ ഒരു വീട്ടിലെ നാലു പേരെ അയൽവാസിയായ യുവാവ് വെട്ടി പരുക്കേൽപ്പിച്ചു.
എഴുപ്രം മേപ്രത്ത് വീട്ടിൽ പീറ്റർ, ഭാര്യ സാലി, മകൾ റോഷ്നി, മരുമകൻ ബേസിൽ എന്നിവർക്കാണ് വെട്ടേറ്റത്.
ഇവരെ ഉടൻ കോലഞ്ചേരി മെഡിക്കൽ മിഷൻ ആശുപത്രിയിൽ പ്രവേശിപ്പിച്ചു. സംഭവത്തിൽ അയൽവാസിയായ അനൂപിനെ പുത്തൻകുരിശ് പൊലീസ് കസ്റ്റഡിയിലെടുത്തു. സാലിയുടെ തലക്കാണ് വെട്ടേറ്റത്. ഇവരുടെ പരുക്ക് ഗുരുതരമാണ്.
