കൊല്ലം: അഴീക്കലിൽ യുവതിയെ തീ കൊളുത്തി കൊലപ്പെടുത്താൻ ശ്രമിച്ച ശേഷം യുവാവ് ആത്മഹത്യ ചെയ്തു. ഗുരുതരമായി പൊളളലേറ്റ പാലാ സ്വദേശി ഷിബു മരിച്ചു. അഴീക്കൽ സ്വദേശി ഷൈജാമോളെയാണ് കൊലപ്പെടുത്താൻ ശ്രമിച്ചത്. യുവതി ഗുരുതര പരുക്കുകളോടെ ചികിത്സയിലാണ്.
ഇരുവരും ഏറെക്കാലമായി ഒരുമിച്ച് കഴിയുകയായിരുന്നു. ഷിബു ഏറെ ക്രിമിനൽ കേസുകളിൽ പ്രതിയാണ്. ഷൈജാമോളുടെ വീട്ടിലെത്തിയ ഷിബു യുവതിയുടെ ദേഹത്ത് പെട്രോൾ ഒഴിച്ച് കത്തിച്ച ശേഷം സ്വയം തീക്കൊളുത്തുകയായിരുന്നു.
