![Representative Images](http://media.assettype.com/metrovaartha%2F2024-01%2F917edb3a-9f36-4940-a776-c92bb3ed2250%2Fshoot.jpg?w=480&auto=format%2Ccompress&fit=max)
ജാർഖണ്ഡ്: വിവാഹത്തെ ചൊല്ലിയുണ്ടായ തർക്കത്തിൽ 15 വയസുള്ള മകളെ അമ്മ വെടിവച്ചു കൊന്നു. ജാർഖണ്ഡിലെ ഗിരിദിഹ് ജില്ലയിലാണ് ദാരുണമായ സംഭവം നടന്നത്. കൊലപാതകത്തിന് ശേഷം പ്രതി പൊലീസ് സ്റ്റേഷനിലെത്തി കീഴടങ്ങി.
പെൺകുട്ടിയുടെ വിവാഹം മാതാപിതാക്കൾ നിശ്ചയിച്ചിരുന്നതായിരുന്നു, സ്വന്തം ഗ്രാമത്തിലെ ഒരാളുമായി പെൺകുട്ടി പ്രണയത്തിലായിരുന്നു. ഈ ബന്ധം മാതാപിതാക്കൾ അംഗീകരിച്ചില്ല. ഇതിനെ ചൊല്ലി അമ്മയും കുട്ടിയും തമ്മിൽ സ്ഥിരമായി വഴക്കുണ്ടാകുമായിരുന്നു. ശനിയാഴ്ച വൈകുന്നേരത്തോടെ തർക്കം രൂക്ഷമായതോടെ അമ്മ തോക്കെടുക്ക് കുട്ടിക്ക് നേരെ വെടിയുതിർക്കുകയായിരുന്നു. തലയ്ക്ക് വേടിയേറ്റ കുട്ടി തൽക്ഷണം മരിക്കുകയായിരുന്നു. പിന്നാലെ അമ്മ പൊലീസ് സ്റ്റേഷനിലെത്തി കീഴടങ്ങുകയായിരുന്നു.