തിരുവനന്തപുരം: മാതാപിതാക്കൾക്കൊപ്പം പോകുന്നില്ലെന്ന് കഴക്കൂട്ടത്തു നിന്നും കാണാതായ അസം സ്വദേശിനിയായ 13 കാരി. അമ്മ വ‍്യക്കു പറഞ്ഞതിലാണ് കുട്ടി വീടുവിട്ടിറങ്ങിയത്. പിന്നീട് വിശാഖപട്ടണത്തു നിന്നുമാണ് കുട്ടിയെ കണ്ടെത്തിയത്. തുടർന്ന് കുട്ടി സിഡബ്ല്യൂസിയുടെ സംരക്ഷണത്തിലായിരുന്നു.
കൗൺസിലിങ്ങിനു ശേഷം കുട്ടിയെ അസമിലേക്ക് കൊണ്ടുപോവാൻ മാതാപിതാക്കൾ എത്തിയെങ്കിലും കുട്ടി ഒപ്പം പോവാൻ തയാറായില്ല. കുട്ടിയെ നിർബന്ധിച്ച് കൊണ്ടുപോവാൻ മാതാപിതാക്കൾ ശ്രമിച്ചെങ്കിലും സിഡബ്ല്യൂസിസി അംഗങ്ങൾ തടയുകയായിരുന്നു. തുടർന്ന് പൊലീസിന്‍റെ സഹായം തേടുകയായിരുന്നു. മാതാപിതാക്കൾക്കൊപ്പം പോവാൻ തയാറാവാത്ത കുട്ടിയെ ശിശുക്ഷേമ സമിതിയിലേക്ക് മാറ്റി. കുട്ടിയുടെ പഠനവും സംരക്ഷണവും ഉറപ്പു വരുത്തുമെന്ന് സിഡബ്ല്യൂസി അറിയിച്ചു.
