![മഹാരാജാസ് കോളെജ്](http://media.assettype.com/metrovaartha%2F2023-06%2F98b0c0fb-80bd-4c17-80c8-7e5944e17658%2FMaharajas_College__Ernakulam.jpg?w=480&auto=format%2Ccompress&fit=max)
കൊച്ചി: എറണാകുളം മഹാരാജാസ് കോളെജിൽ കെഎസ്യു പ്രവർത്തകന് നേരെ എസ്എഫ്ഐ പ്രവർത്തകരുടെ ആക്രമണം. മൂന്നാം വർഷ ബികോം വിദ്യാർഥിയും യൂണിയൻ പ്രതിനിധിയുമായ അഫാമിന് നേരെയാണ് ആക്രമണം ഉണ്ടായത്. സംഭവത്തിൽ എസ്എഫ്ഐ നേതാവ് നന്ദകുമാർ അടക്കം 8 എസ്എഫ്ഐ പ്രവർത്തകർക്കെതിരെ കേസെടുത്തു.
ഇന്നലെ രാത്രിയാണ് മഹാരാജാസ് കോളെജ് ഹോസ്റ്റലിന് പുറത്ത് ചായകുടിക്കാൻ പോയ കെഎസ്യു പ്രവർത്തകനെ ബൈക്കിലെത്തിയ എസ്എഫ്ഐ പ്രവർത്തകർ ക്രൂരമായി മർദിച്ചത്. കത്തികൊണ്ട് മുഖത്ത് പരുക്കേൽപ്പിക്കുകയും ഹോളോബ്രിക്സ് ഉപയോഗിച്ച് ശരീരമാസകലം അടിച്ച് പരുക്കേൽപ്പിക്കുകയും ചെയ്തതായാണ് പരാതി.