![പ്രതീകാത്മക ചിത്രം](http://media.assettype.com/metrovaartha%2F2023-06%2F3b1cafbd-11f5-4155-91a3-9c86ddaf4b3b%2Fvelankanni_express.jpg?w=480&auto=format%2Ccompress&fit=max)
തിരുവനന്തപുരം: ജൂലൈ 15 മുതല് രണ്ട് ട്രെയ്നുകളുടെ സമയത്തില് മാറ്റം വരുത്തി ദക്ഷിണ റെയ്ല്വേ. ട്രെയ്ന് നമ്പര് 12625 തിരുവനന്തപുരം സെന്ട്രല്- ന്യൂഡല്ഹി കേരള സൂപ്പര് ഫാസ്റ്റ് എക്സ്പ്രസിന്റെയും 12623 ചെന്നൈ സെന്ട്രല് - തിരുവനന്തപുരം സെന്ട്രല് മെയിലിന്റെയും സമയക്രമത്തിലാണ് മാറ്റം.
ജൂലൈ 15 മുതല് 12625 കേരള എസ്പ്രസ് തിരുവനന്തപുരത്തു നിന്ന് ഉച്ചയ്ക്ക് 12.15ന് പുറപ്പെടും. നിലവില് ഇത് 12.30 ആണ്. തൃശൂര് വരെ ഇതനുസരിച്ചു സമയത്തില് മാറ്റമുണ്ടാകും. 12623 ചെന്നൈ മെയില് ചെന്നൈയില് നിന്ന് വൈകിട്ട് 7.30ന് പുറപ്പെടും. നിലവില് ഇത് 7.45 ആയിരുന്നു.