![K N Balagopal](http://media.assettype.com/metrovaartha%2F2023-02%2F22c7d1c0-d481-417b-8c3c-0d64593c50ba%2Fkn_balagopal.jpg?w=480&auto=format%2Ccompress&fit=max)
തിരുവനന്തപുരം: സംസ്ഥാനത്തെ 11 റെയിൽ വേ മേൽപ്പാലങ്ങൾക്ക് നിർമ്മാണാനുമതി നൽകിയതായി ധനമന്ത്രി കെ.എൻ. ബാലഗോപാൽ. 6 ജില്ലകളിലായാണ് ഇവ നിർമ്മിക്കുന്നത്.
പാലങ്ങളുടെ നിർമ്മാണ ചെലവിനായി 77.65 കോടിയോളം രൂപയാണ് അനുവദിച്ചിരിക്കുന്നത്. ഇതിൽ 48.38 കോടി രൂപ നേരത്തെ അനുവദിച്ചിരുന്നു. 34.26 കോടി കൂടി അനുവദിച്ചതോടെയാണ് പദ്ധതിയുടെ നിർവഹണ ഘട്ടത്തിലേക്ക് കടക്കാനാവും.
കണ്ണൂർ - കണ്ണപുരം, ചെറുകുന്ന്, മുഴുപ്പുലങ്ങാട് ബീച്ച്, മുക്കം , തൃശൂർ - വേലക്കുട്ടി/ആറ്റൂർ ഗേറ്റ്, ഒല്ലൂർ , കോഴിക്കോട് - വെള്ളയിൽ, കോട്ടയം- കോതനല്ലൂർ , കൊല്ലം - ഇടകുളങ്ങര, പോളയത്തോട് , തിരുവനന്തപുരം- അഴൂർ എന്നിവിടങ്ങളിലാണ് മേൽപ്പാലങ്ങൾ ഉയരുക.