![veena vijayan](http://media.assettype.com/metrovaartha%2F2024-01%2F9a3c27bc-0972-4ca7-be0c-5c9be527f22e%2Fveena_muhammad.jpg?w=480&auto=format%2Ccompress&fit=max)
കൊച്ചി: മാസപ്പടി വിവാദത്തിൽ ഇഡി അന്വേഷണം ആരംഭിച്ചു. കൊച്ചിയിലെ ഇഡി യൂണിറ്റാണ് കേസ് രജിസ്റ്റർ ചെയ്തിരിക്കുന്നത്. ആദായ നികുതി വകുപ്പിന്റെ റിപ്പോർട്ടിന്റെ അടിസ്ഥാനത്തിൽ ഇഡി ഇസിഐആർ രജിസ്റ്റർ ചെയ്തു. പൊലീസ് എഫ്ഐആറിന് തുല്യമാണ് ഇഡിയുടെ ഇസിഐആർ.
കേസിൽ ഇഡിയുടെയോ സിബിഐയുടെയോ അന്വേഷണം വേണമെന്ന് പരാതിക്കാരനായ ഷോൺ ജോർജ് ആവശ്യപ്പെട്ടിരുന്നു. ഇത് ആവശ്യപ്പെട്ടുകൊണ്ട് ഹൈക്കോടതിയിൽ ഷോൺ ജോർജ് അധിക ഹർജി നൽകിയിരുന്നു. ഇതിനിടെയാണ് ഇഡി നടപടികളിലേക്ക് കടന്നിരിക്കുന്നത്.