ബംഗളൂരു മെഡിക്കൽ കോളെജിൽ തീപിടിത്തം; മലയാളി യുവാവിന് ദാരുണാന്ത‍്യം

ബംഗളൂരു: ബംഗളൂരുവിലെ സ്വകാര‍്യ മെഡിക്കൽ കോളെജിലുണ്ടായ തീപിടിത്തതിൽ മലയാളി യുവാവിന് ദാരുണാന്ത‍്യം. പുനലൂർ സ്വദേശി സുജയ് സുജാതൻ (36) ആണ് മരിച്ചത്. ന‍്യൂമോണിയ ബാധിച്ചതിനെ തുടർന്ന് ഐസിയുവിൽ ചികിത്സയിലായിരുന്നു. ബംഗളൂരു മതിക്കരയിലെ എംഎസ് രാമയ്യ മെഡിക്കൽ കോളെജിൽ ഉച്ചയോടെയാണ് തീപിടിത്തമുണ്ടായത്.

കഴിഞ്ഞ രണ്ടാഴ്ച്ചയായി സുജയ് ഇവിടെ ചികിത്സയിൽ കഴിയുകയായിരുന്നു. തീപിടിത്തമുണ്ടായ സമയത്ത് സുജയിനെ രക്ഷപ്പെടുത്തുന്നതിൽ ആശുപത്രി അധികൃതരുടെ ഭാഗത്ത് നിന്ന് വീഴ്ച്ചയുണ്ടായെന്ന് ബന്ധുക്കൾ ആരോപിച്ചു. ഷോർട്ട് സർക‍്യൂട്ടാണ് അപകടകാരണമെന്നാണ് നിഗമനം.