തിരുവനന്തപുരം: കയർ,കശുവണ്ടി തൊഴിലാളികളുടെ 2023 ലെ ബോണസ് തീരുമാനിച്ചു. തൊഴിൽ മന്ത്രി വി. ശിവൻകുട്ടിയുടെയും വ്യവസായ മന്ത്രി പി. രാജീവിന്‍റെയും നേതൃത്വത്തിൽ ഇന്നലെ ചേർന്ന വ്യവസായ ബന്ധസമിതി യോഗത്തിലാണു തീരുമാനം. കയർ തൊഴിലാളികൾക്ക് 2023ലെ ഓണം- ക്രിസ്മസ് ഫൈനൽ ബോണസ് 30.34 ശതമാനം ആണ്. തൊഴിലാളിയുടെ ആകെ വരുമാനത്തിന്‍റെ 20ശതമാനം ബോണസും 10.34 ശതമാനം ഇൻസെന്‍റീവും ഉൾപ്പെടെയാണിത്.
കശുവണ്ടി തൊഴിലാളികളുടെ ഓണം ബോണസ് 20 ശതമാനവും ഇൻസെന്‍റീവ് 10,000 രൂപയുമാണ്. യോഗത്തിൽ ലേബർ കമ്മിഷണർ കെ. വാസുകി, അഡീഷണൽ ലേബർ കമ്മീഷണർ ഐ. ആർ. കെ. ശ്രീലാൽ, വ്യവസായ ബന്ധസമിതിയിലെ തൊഴിലാളി - തോഴിലുടമാ പ്രതിനിധികൾ തുടങ്ങിയവർ പങ്കെടുത്തു.
