തിരുവനന്തപുരം: ആലുവയിൽ അഞ്ചു വയസ്സുകാരി ക്രൂരമായ പീഡനത്തിനിരയായി കൊല്ലപ്പെട്ടതിന്‍റെ പശ്ചാത്തലത്തിൽ അതിഥി തൊഴിലാളി നിയമം കൊണ്ടു വരുമെന്ന് തൊഴിൽ മന്ത്രി വി. ശിവൻകുട്ടി. അതിഥികളെന്ന നിലയിൽ നൽകുന്ന പരിഗണന ദൗർബല്യമായി കാണരുതെന്നും മന്ത്രി പറഞ്ഞു. തൊഴിൽവകുപ്പ് ഉദ്യോഗസ്ഥരുടെ അടിയന്തര യോഗം വിളിച്ചു കൂട്ടും.
തൊഴിലാളികളെ എത്തിക്കുന്ന ഏജന്‍റുമാർക്ക് ലൈസൻസും തൊഴിലാളികൾക്ക് പൊലീസ് ക്ലിയറൻസ് സർട്ടിഫിക്കറ്റും നിർബന്ധമാക്കുമെന്നും അതിഥി ആപ്പ് അടുത്ത മാസം മുതൽ പ്രവർത്തന ക്ഷമമാകുമെന്നും മന്ത്രി പറഞ്ഞു.
