തിരുവനന്തപുരം: സംസ്ഥാനത്ത് ബുധനാഴ്ച വൈകിട്ടുവരെ അതിതീവ്ര മഴ മുന്നറിയിപ്പു നൽകി കേന്ദ്രകാലാവസ്ഥ വകുപ്പ്. എല്ലാ താലൂക്ക് ഓഫിസുകളിലും കൺട്രോൾ റൂമുകളും ദുരിതാശ്വാസ ക്യാമ്പുകളും തുറക്കാൻ നിർദേശം നൽകിയതായി റവന്യു മന്ത്രി കെ. രാജൻ അറിയിച്ചു.
ജില്ലകളില് കണ്ട്രോള് റൂമുകള് തുറന്നിട്ടുണ്ട്. 24 മണിക്കൂറും പ്രവര്ത്തിക്കുന്ന കണ്ട്രോള് റൂമുകളാണ് തുറന്നത്. എന്ഡിആര്എഫ് സംഗങ്ങളും സജ്ജമാണ്. മലയോര മേഖലയകളിലേക്കുള്ള യാത്ര നിരോധനം ആവശ്യമുണ്ടെങ്കില് നടപ്പാക്കാൻ കളക്ടര്മാര്ക്ക് നിര്ദേശം നല്കിയിട്ടുണ്ട്. ആറു ലക്ഷത്തിലധികം പേരെ മാറ്റി പാര്പ്പിക്കാനുള്ള ക്യാമ്പുകള് സജ്ജമാക്കിയിട്ടുണ്ട്. മഴ ഏതെങ്കിലും തരത്തിലുള്ള വിനോദത്തിന്റെ അവസരമായി കണക്കാക്കരുതെന്നാണ് ജനങ്ങളോട് പറയാനുള്ളത്. ആത്മവിശ്വാസത്തിലാണെങ്കിലും ജലാശയത്തില് ഇറങ്ങരുതെന്നും മലയോര മേഖലയില് യാത്ര ചെയ്യുമ്പോള് ജാഗ്രത പാലിക്കണമെന്നും മന്ത്രി കെ.രാജൻ പറഞ്ഞു.
