![high temperature yellow alert in 10 districts today](http://media.assettype.com/metrovaartha%2F2024-02%2Fc93bc437-82ab-42c5-90ab-0374f36f7cc1%2Fsun.jpg?w=480&auto=format%2Ccompress&fit=max)
തിരുവനന്തപുരം: കൊടും ചൂട് തുടരുന്നതിനാൽ സംസ്ഥാനത്ത് പാലക്കാട്, കൊല്ലം ജില്ലകളില് ഉയര്ന്ന താപനില 39 ഡിഗ്രി സെല്ഷ്യസ് വരെ ഉയരുമെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്.
ഈ മാസം 20 വരെ ഈ രീതിയിൽ ചൂട് തുടരുമെന്നാണ് കാലാവസ്ഥാ വകുപ്പിന്റെ മുന്നറിയിപ്പ്. തുടർന്ന് 10 ജില്ലകളില് യെലോ അലര്ട്ട് പുറപ്പെടുവിച്ചു. സാധാരണയെക്കാള് 2 മുതല് 4 ഡിഗ്രി സെല്ഷ്യസ് കൂടുതല് വരെ താപനില ഉയരുമെന്നാണ് മുന്നറിയിപ്പ്.
ആലപ്പുഴ, കോട്ടയം എന്നീ ജില്ലകളില് ഉയര്ന്ന താപനില 38 ഡിഗ്രി സെല്ഷ്യസ് വരെയും; പത്തനംതിട്ട, തൃശ്ശൂര്, കോഴിക്കോട് എന്നീ ജില്ലകളില് ഉയര്ന്ന താപനില 37ഡിഗ്രി സെല്ഷ്യസ് വരെ തിരുവനന്തപുരം, എറണാകുളം, കണ്ണൂര് എന്നീ ജില്ലകളില് ഉയര്ന്ന താപനില 36 ഡിഗ്രി സെല്ഷ്യസ് വരെയും ഉയരാന് സാധ്യതയെന്നാണ് കേന്ദ്ര കാലാവസ്ഥ വകുപ്പ് അറിയിച്ചത്. ഉയര്ന്ന താപനിലയും ഈര്പ്പമുള്ള വായുവും കാരണം ഈ ജില്ലകളില്, ചൂടും അസ്വസ്ഥതയുമുള്ള കാലാവസ്ഥയ്ക്ക് സാധ്യതയുണ്ട്.