![human rights commission case against kseb](http://media.assettype.com/metrovaartha%2F2023-07%2F8b5c7c6a-2cee-4cc2-a2c8-240c49dfdf9d%2Fkseb.jpg?w=480&auto=format%2Ccompress&fit=max)
തിരുവമ്പാടി: കെഎസ്ഇബി ഓഫിസിന് നേരെ ആക്രമണം നടത്തിയതിന്റെ പേരിൽ വൈദ്യുതി വിച്ഛേദിച്ച കെഎസ്ഇബിക്കെതിരേ മനുഷ്യാവകാശ കമ്മിഷൻ കേസെടുത്ത് അന്വേഷണത്തിന് ഉത്തരവിട്ടു. കെഎസ്ഇബി എക്സിക്യൂട്ടീവ് എഞ്ചിനീയർ പരാതി പരിശോധിച്ച് 7 ദിവസത്തിനകം റിപ്പോർട്ട് സമർപ്പിക്കണമെന്ന് കമ്മീഷൻ ആക്റ്റിങ് ചെയർ പേഴ്സണും ജുഡീഷ്യൽ അംഗവുമായ കെ. ബൈജൂ നാഥ് ആവശ്യപ്പെട്ടു.
യൂത്ത് കോൺഗ്രസ് മുൻ തിരുവമ്പാടി മണ്ഡലം പ്രസിഡന്റ് യു.സി. അജ്മൽ ഉള്ളാട്ടിൽ എന്ന യുവാവിന്റെ വീട്ടിലെ കണക്ഷനാണ് കെഎസ്ഇബി വിച്ഛേദിച്ചത്. കെ.എസ്.ഇ ബി . സിഎംഡിയുടെ നിർദേശ പ്രകാരമാണ് കണക്ഷൻ വിഛേദിച്ചതെന്നാണ് വാർത്തകൾ. അസിസ്റ്റന്റ് എൻജിനീയറടക്കം ജീവനക്കാരെ മർദിച്ചെ്നും ഏതാണ്ട് 3 ലക്ഷത്തോളം രൂപയുടെ നാശനഷ്ടമുണ്ടായെന്നും ആരോപിച്ചാണ് യു.സി. അജ്മലിന്റെ വീട്ടിലെ വൈദ്യുതി വിച്ഛേദിച്ചത്.